Umuhanzi-nyarwanda uririmba indirimbo zo kuramya no guhimbaza Imana wamenyekanye nka Israel Mbonyi mu ndirimbo ze nyinshi zitandukanye zo guhimbaza Imana , uy’umuhanzi yaraye yanditse amateka yo kuzuza BK Arena inyubako y’imyidagaduro imaze kumenyekano hano mu Rwanda nk’inyubako y’imyidagaduro , mu gitaramo cye yise “Icyambu”.
Akaba ari igitaramo uy’umuhanzi yaramaze iminsi ateguza abafana be ndetse n’abakunzi b’umuziki muri rusange by’umwihariko abakunzi b’indirimbo zo kuramya no guhimbaza Imana uy’umuhanzi Israel Mbonyi aririmba kuva yatangira gukora umuziki nk’akazi ke ka buri munsi.
Ubwo igitaramo cyari kirimo kwegereza umunsi wo kuba , Israel Mbonyi akaba yaramenyesheje abafana n’abakunzi be ko amwe mu matike yashize hasigaye amatike yo mu myanya y’icyubahiro abasaba kugura amatike kugirango batadazacikwa n’ik’igitaramo.
Ubwo haburaga nk’amasaha atatu ngo igitaramo ngo gitangire akaba aribwo hamenyeshejwe ko amatike yose yamaze kugurwa maze Israel Mbonyi aba umuhanzi wa mbere hujuje iy’inyubako y’imyidagaduro ya BK Arena ijyamo ibihumbi 10 by’abantu.
Igitaramo cya Israel Mbonyi yise “Icyambu” , akaba ari igitaramo cyari kitabiriwe n’abantu bo mu ngeri zitandukanye ndetse n’abayobozi batandukanye bo mu nzego z’igihugu by’umwihariko akaba ari igitaramo kitabiriwe n’umubare mwinshi w’urubyiruko doreko n’uy’umuhanzi ubwe ari urubyiruko.
Muri ik’igitaramo cya Israel Mbonyi yamurikagamo Album ze ebyiri akaba yaje no gufashwamo n’abandi bahanzi nabo bamaze kumenyekana mu Rwanda mu ndirimbo zo kuramya no guhimbaza Imana aribo James & Daniella aho bombi baririmbanye indirimbo baherutse gukorana.
Akaba ari igitaramo cyasize gikoze amateka yari atarigeze abaho y’uko iy’inyubako y’imyidagaduro izwi nka BK Arena yuzura ibihumbi 10 by’abantu , ubuyobozi bw’iy’inyubako bubinyuje kurukuta rwa Twitter bukaba bwashimiye Israel Mbonyi ku kuba yatanze noheli aha ibyishimo abafana be afatanyije na BK Arena aho bagize bati “BK Arena Ni Yawe”.
Umuhanzi Israel Mbonyi nawe abinyujije kurukuta rwa Twitter akaba yashimiye abafana n’abakunzi be kurukundo bamweretse mu kwitabira igitaramo cye aho yagize ati ” Sinabona uko mbivuga , Gusa ndashimye bimvuye ku mutima , mwakoze cyane”.
Amafoto yaranze igitaramo cy’umuhanzi Israel Mbonyi yise ” Icyambu live concert “
