Ikipe ya Manchester City yatwaye igikombe cya shampiyona , Primier League , nyuma y’uko ikipe ya Arsenal bagihataniraga itsinzwe igitego (1-0) n’ikipe ya Nottingham Forest , ku mukino wa 37 wa shampiyona mugihe haburaga umukino umwe ngo iyi shampiyona irangire.
Ikipe ya Manchester City ikaba yegukanye igikombe cya Primier League nyuma y’uko yarimaze igihe ibarizwa kumwanya wa kabiri , irwana n’uko yakura kumwanya wa mbere ikipe ya Arsenal yagiye kuri uy’umwanya kuva iyi shampiyona yatangira kugeza ku munsi wa 30 w’iyi shampiyona.
Manchester City ikaba yegukanye igikombe cya Primier League ku nshuro ya gatatu yikurikiranya ndetse iyita iba ikipe ya kabiri itwaye igikombe cya Primier League inshuro eshatu zikurikiranya nyuma y’ikipe ya Manchester United yagitwaye inshuro ebyiri igitwara inshuro eshatu zikurikiranya.
Ku mugoroba wo kuri uyu wa gatandatu , tariki 20 Gicurasi 2023 , akaba aribwo ikipe ya Manchester City byemejweko yatwaye igikombe cya Primier League nyuma y’uko ikipe ya Arsenal bari bagihataniye yarimaze gutsindwa ku kibuga cy’ikipe ya Nottingham Forest , igitego (1-0).
Manchester City ikaba itwaye igikombe cya Primier League mugihe ikiri no guhatanira igikombe cya FA Cup ndetse n’igikombe cya Champions League nyuma y’uko yamaze kugera ku mukino wa nyuma w’ibi bikombe byose ndetse ikaba inahabwa amahirwe yo kubitwara byose.