Umukinnyi Jodan Sancho w’ikipe ya Manchester United ndetse n’igihugu cy’ubwongereza , amakuru y’uko uyu mukinnyi adashobora kongera gukinara ikipe ya Manchester United nyuma y’uko agiranye ibibazo n’umutoza wayo Erik Ten Hag , akomeje kwiyongera.
Ikipe ya Manchester United ikaba ishobora kuzafata umwanzuro wo kugurisha umukinnyi Jodan Sancho mw’igura n’igurisha ry’abakinnyi mu kwezi kwa mbere kwa 2024 , ubwo isoko ry’igura n’igurisha ry’abakinnyi rizaba rifunguye , nyuma y’uko hakomeje kutumvikana kwe n’umutoza Erik Ten Hag.
Mu kwezi kwa Munani (8) , mu ntangiriro za shampiyona y’ubwongereza Primier League akaba aribwo uyu mukinnyi Jodan Sancho yagiranye ibibazo n’umutoza Erik Ten Hag , nyuma y’umukino ikipe ya Manchester United yari imaze gutsindwamo n’ikipe ya Arsenal , ibitego (3-1).
Nyuma y’uyu mukino , umutoza Erik Ten Hag akaba yarabajijwe impamvu atakinishije umukinnyi Jodan Sancho kuri uyu mukino ubundi asubizako impamvu atamukinishije aruko atari ku rwego rwo kuba yatoranywa mu bakinnyi bari kugaragara kuri uwo mukino.
Erik Ten Hag akaba yarasobanuye ko Jodan Sancho atari ku rwego rwiza rwe kugirango atoranywe mu bakinnyi bagombaga gukina umukino wa Arsenal , gusa nyuma yo gutangaza ibi umukinnyi Jodan Sancho akaba yaragiye ku mbuga nkoranyambaga ze ubundi akabivuguruza.
Jodan Sancho , mu butumwa yashyize ku mbuga nkoranyambaga ze akaba yaravuze ko ibyavuzwe byose ari ibinyoma ndetse ko hari izindi mpamvu zatumye adashyirwa mu bakinnyi bagombaga gukina umukino wa Arsenal , ibyayise bisa nk’ibishyira akadoma kuri kariyeri y’uyu mukinnyi muri Manchester United.
Amakuru yakomeje gusohoka nyuma y’ibi , akaba yaragendaga ashyira ahantu habi umukinnyi Jodan Sancho ndetse inshuro nyinshi abanyamakuru bagerageje kubaza iki kibazo Erik Ten Hag bikaba byarangiraga ntacyo ababwiye gusa akavugako gusubira mu kibuga kwa Sancho ariwe uzabigiramo uruhare.
Amakuru yaturukaga muri Manchester United akavuga ko uyu mukinnyi y’aba yarasabwe gusaba imbabazi umutoza Erik Ten Hag , staff y’ikipe ndetse n’abakinnyi muri rusange kugirango yemererwe gusubira mw’ikipe ya mbere ya Manchester United gusa akabyanga.
Kuri ubu nyuma yo kwanga gusaba imbabazi , umukinnyi Jodan Sancho bikaba bishoboka ko mu kwezi kwa mbere kwa 2024 yasohoka muri Manchester United akerekeza muyindi kipe nyuma y’uko umutoza afashe umwanzuro wo kumwirukana mw’ikipe ya mbere ya Manchester United.