Kuri uyu wa gatanu , tariki 30 Kamena 2023 , akaba aribwo byari biteganyijweko hasomwa umwanzuro ku rubanza rw’ubujurire , ubushinjacyaha buregamo ishimwe Dieudonne uzwi nka Prince kid gusa mu buryo butunguranye umucamanza akaba yavuzeko muri ur’urubanza hajemo ikimenyetso gishya kigomba kubanza kuburanwaho n’imbande zombi.
Prince kid , kuri ubu ukomeje gukurikiranwa n’ubutabera mu mwaka wa 2022 urukiko rwisumbuye rwa Nyarugenge rukaba rwari rwaramugize umwere ku byaha yari akurikiranyweho byo gusambanya ku gahato abakobwa bagiye bitabira irushanwa ry’ubwiza , Miss Rwanda , mu bihe bitandukanye , yari abereye umuyobozi.
Isomwa ry’uru rubanza akaba ari isomwa ryari ryitabiriwe n’abantu benshi ariko by’umwihariko rikaba ryari ryitabiriwe n’itangazamakuru nkuko ryakunze gukurikirana iby’uru rubanza rwa Prince kid kuva yatangira kuburana mu mwaka wa 2022 kugeza na n’ubu muri 2023.
Gusa , kuri iy’inshuro ishimwe Dieudonne uzwi nka Prince kid ndetse n’abamwunganira mu mategeko bakaba batari bigeze bagaragara ku rukiko rukuru mugihe byari byitezweko hasomwa umwanzuro kuri ur’urubanza , ni mugihe ubushinjacyaha bwo bwari buhagarariwe muri ur’urubanza.
Ubwo umucamanza yageraga mw’iburanisha akaba yabanje kwisegura ku kuba yatinze kugera mw’iburanisha ubundi atangazako mugihe byari biteganyijweko hasomwa umwanzuro w’urukiko kuri ur’urubanza , hajemo ikimenyetso gishya cy’amajwi kitigeze kiburanwaho ariyo impamvu isomwa ry’urubanza risubitswe.
Umucamanza , akaba yakomeje avugako ik’ikimenyetso kitigeze kiburanwaho n’impande zombi rero ko zingomba kubanza ku kiburanaho kugirango urukiko rukuru rubone gufata umwanzuro kuri ur’urubanza rw’ubujurire ubushinjacyaha bwarezemo Ishimwe Dieudonne , nyuma y’uko agizwe umwere.
Prince kid akaba yari yaratawe muri yombi mu mwaka ushize wa 2022 akurikiranyweho ibyaha byo gusambanya ku gahato abakobwa bitabiriye irushanwa ry’ubwiza , Miss Rwanda , nyuma urukiko rwisumbuye rwa Nyarugenge rukaza ku mugira umwere kuri ib’ibyaha yari akurikiranyweho ndetse nyuma yo gufungurwa akaba yarayise arongora Miss Iradukunda Elsa byavungwako bakundana.