Ku mugoroba wo kuri uyu wa kane , tariki 25 Gicurasi 2023 , muri Village urugwiro nibwo umukuru w’igihungu , Perezida Paul Kagame , yakiriye Minisitiri w’ububanyi n’amahanga w’igihungu cya Ukraine uri mu ruzinduko rwe rw’akazi mu bihugu byo ku mugabane wa Africa.
Perezida Paul Kagame , akaba yakiriye Minisitiri w’ububanyi n’amahanga wa Ukraine , Dmytro Kuleba , mu ruzinduko rwe ku mugabane wa Africa rugamije gusaba ibihugu bya Africa kuba ku ruhande rw’igihugu cye cya Ukraine mu ntambara gikomeje guhanamo n’uburusiya.
Perezida Paul Kagame ubwo yakiraga muri Village urugwiro Minisitiri Dmytro Kuleba , akaba yanamushyikirije ubutumwa bwa mugenzi we Perezida w’igihungu cya Ukraine , Volodymyr Zelenskyy , kuri ubu uyoboye igihugu cyiri mu bihe bitoroshye kubera amakimbirane.
Aba bayobozi bombi , Perezida Paul Kagame na Minisitiri Dmytro Kuleba , bakaba baje kugirana ibiganiro byagarutse ku ntambara ya Ukraine ndetse no kuburyo buhari bwatangijwe bwo gushyigikira inzira y’amahoro mu kurangiza aya makimbirane burundu.
Dmytro Kuleba , akaba yatangiye uruzinduko rwe rw’akazi ku mugabane wa Africa , mu rwego rwo gushaka amaboko mu bihugu bya Africa kugirango bishyigikire igihugu cye cya Ukraine mu ntambara gikomeje gushyamiranamo n’uburusiya , gishyigikiwe n’ibihugu byo mu burengerazuba bw’isi biyobowe na America.
Dmytro Kuleba kandi akaba akoze ur’uruzinduko , mugihe igihugu cya Ukraine gikomeje kuraswaho mu buryo bukomeye n’uburusiya aho kuri ubu gikomeje no gutakaza bimwe mu bice byacyo byigaruriwe n’ingabo z’uburusiya birimo n’umujyi wa Bakhmut ingabo z’uburusiya ziyerutse kwigarurira nyuma y’amezi 9 impande zombi zihanganiye muri uwo mujyi.