Bwana Donald Trump wayoboye igihugu cya leta zunze ubumwe za America mugihe cya manda imwe y’imyaka itanu yavuzeko yahagarika intambara y’uburusiya na Ukraine mugihe cya masaha 24 gusa , mugihe yaba yongeye gutorerwa kuba Perezida wa America.
Ubwo yaganiraga n’ikinyamakuru cya GB news , bwana Trump akaba yaragarutse ku ntambara ya Ukraine n’uburusiya imaze umwaka urenga , impande zombi zirasana ubudakuraho utibagiwe n’inkunga zituruka mu burengerazuba bw’isi , zenyegeza iy’intambara.
Trump , akaba yaravuzeko mugihe yaba atorewe kuyobora igihugu cya leta zunze ubumwe za America mu matora ya Perezida azaba mu mwaka wa 2024 , ko icyo azakora ari uguharika iy’intambara ubundi avugako kuyihagarika ari ibintu bitagoye kuko byazamufata amasaha 24 gusa.
Donald Trump akaba yaragize ati ” iyaba nari Perezida , nahagarika iriya ntambara mu munsi umwe. Byansaba amasaha 24 gusa. kuko ni ibintu byoroshye , iriya ntambara igomba guhagarara kuko iteje isi akaga ” , Trump akaba avuze gutya mugihe bivugwako ashobora kwiyamamaza mu matora ya 2024.
Bwana Donald Trump , akaba yaramaze kwemeza ko azongera agahatanira umwanya w’umukuru w’igihugu mu matora ya Perezida wa America mu mwaka wa 2024 , gusa nubwo bimeze gutya kuri ubu akaba akomeje gukurikiranwa n’inkiko zo muri America ku byaha akurikiranweho byo gusambana n’umugore ukina amafirimi y’urukozasoni.
Muri ik’ikiganiro kandi bwana Trump akaba yarikomye mugenzi we Joe Biden wamusimbuye ku butegetsi avugako Perezida Vladimir Putin yateye Ukraine biturtse ku mikorere mibi ya Joe Biden uyoboye America , watanze rugari ku burusiya ubundi bugatera Ukraine.