Minisiteri y’ububanyi na mahanga y’igihugu cy’uburusiya yahamagaje Ambassaderi w’igihugu cya America , Canada ndetse na ambassaderi w’igihugu cy’ubwongereza kugirango batange ibisobanuro ku birego barengwa byo kwivanga mu miyoborere y’igihugu cy’uburusiya.
Minisiteri y’ububanyi na mahanga y’uburusiya , ikaba yarahamagaje ab’ambassaderi bahagarariye ib’ibihugu byabo mu burusiya nyuma y’amagambo batangaje kuwa mbere tariki 17 Mata 2023 , biturutse kwifungwa ry’umunya-Politike w’umurusiya wahamijwe ibyaha by’ubugambanyi.
Umunya-Politike bwana Vladimir Kara-Murza , ubutabera bw’uburusiya bukaba bwaramuhamije ibyaha birimo kugambanira igihugu cye cy’uburusiya ndetse n’icyaha cyo gutesha agaciro ingabo z’igihugu cye cy’uburusiya ubundi ubutabera bumuhanisha gufungwa imyaka 25.
Nyuma yo guhanishwa igifungo cy’imyaka 25 , ambassaderi wa America , Canada , Ubwongereza mu gihugu cy’uburusiya bakaba barayise basohora itangazo rihuriweho n’ibihugu byombi uko ari bitatu , bavugako bamaganye icyo gihano basabako ayita arekurwa.
Igihugu cy’uburusiya kikaba cyaravuzeko iyo myitwarire yabo badipolomate bibyo bihugu idahwitse kandi ko budashobora kuyihanganira ngo kuko ari ugushyira igitutu ku butabera bw’igihugu cy’uburusiya no kwivanga mu mikorere yabwo.
Minisiteri y’ububanyi na mahanga y’uburusiya ikaba yarayise itangazako ibyakozwe ari imikorere ya leta zunze ubumwe za America isanzwe iyiranga yo gushaka gusenya ibihugu byinshi kw’isi inyuze mu bo yitako batavuga rumwe n’ubutegetsi bwibyo bihugu.
Ni mugihe uburusiya bwatangajeko abadipolomate bagaragaraho kwivanga mu miyoborere y’igihugu cy’uburusiya batazihanganirwa na rimwe ahubwo ko bazirukanwa ku butaka bw’igihugu cy’uburusiya , Vladimir Kara-Murza wahawe igihano cy’imyaka 25 asanzwe afite ibyangombwa bimwemerera kuba mu gihugu cya America ndetse n’ubwenegihugu bw’ubwongereza.