Umuvugizi w’u Rwanda Yolande Makolo yavuzeko ibyatangajwe na komisiyo ishinzwe ububanyinamahanga muri sena ya leta zunze ubumwe za America bishobora kongera ubukana bw’ikibazo cy’umwuka mubi kiri hagati y’igihugu cya DR Congo n’u Rwanda.
Ibingibi Yolande Makolo akaba yabivuze kuri uyu wa gatatu binyuze mu butumwa yanditse kuri Twitter asubiza , ubwo komisiyo ishinzwe ububanyinamahanga muri sena ya America yarimaze gutangazagako ubufasha U Rwanda rukomeje guha umutwe wa M23 uri kugaba ibitaro ku abasiviri n’ingabo za FARDC na Monisco ko bukwiye kwamaganwa.
Muri ubu butumwa bwa komisiyo ishinzwe ububanyinamahanga muri sena y’abanya-america yanditse kuri Twitter , iyi komisiyo ya sena ya America ikaba yarakomeje igaragazako isi yose ikwiye guhaguruka igatahiriza umugozi umwe mu kwamagana ibikorwa by’igihugu cy’u Rwanda.
Iyi komisiyo ya sena y’abanya-america yatangaje ibingibi mu gihe hari hashize igihe ubuyobozi bw’u Rwanda bugaragazako nta bufasha nta bumwe buha uy’umutwe wa M23 umaze igihe wongeye kubura imirwano n’ingabo za FARDC , nyuma yo gushinja iki gihugu cya Congo ku kuba kitarubahirije amasezerano cya sinyanye n’uyu mutwe mu mwaka wa 2013.
Abayobozi b’u Rwanda bakaba barakunze kugarazako U Rwanda ntaho ruhuriye n’uyu mutwe wa M23 ndetse uretse n’aba bayobozi b’u Rwanda , umuvugizi wa M23 Major Willy Ngoma aherutse kuvugako U Rwanda rwose ko ntabufasha ntabuke buha uy’umutwe maze willy Ngoma avugako intwaro bakoresha inyinshi bazigura n’abasirikare ba Congo (FARDC).
Major Willy Ngoma avuga aho M23 ikura intwaro yakomeje avugako intwaro M23 ikoresha uretse kuba zimwe bazigura n’abasirikare ba FARDC , izindi ntwaro bazikura aho uy’umutwe uba wigaruriye abasirikare ba FARDC bakazita , ni mugihe willy Ngoma yavuzeko hari n’izindi ntwaro M23 ikoresha yari yarabitse mu mwaka wa 2013 ubwo yasenyukaga.
Umuvugizi w’u Rwanda Yolande Makolo abinyujije kuri Twitter mu gusubiza ubutumwa bwa sena ya America yagize ati “kugira uruhande mu bogamiraho mu buryo bwihuse n’uburyo bwokongera ubushyamirane no kongerera ubukana ikibazo , ubusesenguzi bwimbitse ndetse butabogamye nibwo buryo bwiza bwo gukemura ikibazo cya RDC , mu gushaka umutekano mu karere k’ibiyaga bigari”.
Ni mugihe muri ubu butumwa bw’umuvugizi wa goverinoma y’u Rwanda Yolanda Makolo yakomeje avugako ibi birikuvungwa mugihe nta muntu n’umwe wigeze avuga igihe imitwe y’iterabwoba irimo n’umutwe wa FDLR ufashwa na leta ya Congo yahungabanya umutekano w’abanyarwanda.