Minisitiri Shonzi Abe wabaye minisitiri w’igihugu cy’ubuyapani kuva mu mwaka 2006 kugeza mu mwaka wa 2020 , kuri ubu yamaze kwitaba Imana nyuma yuko kuri uyu wa gatanu tariki 8 Nyakanga 2022 arasiwe mu ruhame mu mujyi wa Nara arashwe n’umugabo witwaje intwaro.
Minisitiri Shonzi Abe akaba yararashwe n’umugabo witwaje intwaro ubwo yararimo gutanga ubwirwa ruhame mu mujyi wa Nara mu burengerazuba bw’iki gihugu cy’ubuyapani , ikigo cy’itangazamakuru kikaba cyatangajeko Shonzi Abe yarashwe n’umugabo w’imyaka 41 amuturutse inyuma.
Minisitiri Shonzi Abe nyuma yo kuraswa akaba yarayise ajyanwa kwa muganga na kajugujugu yayise ihagera ariko biza gutangazwako uy’umugabo w’imyaka 67 yabuze ubuzima nyuma yuko yajyanywe ku bitaro avigrirana cyane ndetse bakagerageza no kumwongerera amaraso ariko bikaba iby’ubusa.
Shonzi Abe akaba yararashwe ubwo yararimo kwamamaza ishyaka rye mu matora yabagize inteko nshigamategeko y’igihugu cy’ubuyapani yari ateganyijwe kuri iki cyumweru tariki 10 Nyakanga 2022 , nyuma y’urupfu rw’uyu mugabo bikaba biteganyijweko aya matora ashobora guhita asubikwa.
Amakuru akaba avugako Shonzi Abe yaba yararashwe amasasu abiri maze isasu rimwe rigafata mu gituza kuruhande rw’ibumoso naho irindi rigafata mw’ijosi , mu mafoto yagarajwe Shonzi Abe akaba yagaragaye aryamye hasi azengurutswe n’abantu be bahafi bari kugerageza gukangura umutima we ndetse ishati ye yuzuyeho amaraso.
Police y’igihugu cy’ubuyapani ikaba yaratangajeko yataye muri yombi umugabo w’imyaka 41 Tetsuya Yamagami ukekwaho gukora ubu bwicanyi bwanaviriyemo minisitiri Shonzi Abe kubura ubuzima , ubuyapani akaba ari igihugu kitari kimenyerewemo ubwicanyi bukoreshejwe imbunda kuko ubuyapani busanzwe ari igihugu kigenzura cyane ikoreshwa ry’imbunda mu basiviri.
