Perezida Bassirou Diomaye Faye , Perezida mushya w’igihugu cya senegal yarahiriye kuba perezida w’iki gihugu mu birori byabereye mu murwa mukuru w’igihugu cya Senegal , I Dakar , ku munsi w’ejo wo kuwa kabiri.
Bassirou Diomaye Faye , w’imyaka 44 y’amavuko , mu kwezi gushize kwa Werurwe , akaba aribwo yatsinze amatora y’umukuru w’igihugu cya Senegal ku majwi 54% , nyuma y’uko ahigitse Amadou Ba bari bahanganye kuri uyu mwanya w’umukuru w’igihugu.
Nyuma y’uko atsinze ay’amatora y’umukuru w’igihugu , Bassirou Diomaye Faye , urukiko rushinzwe kurinda itegeko nshinga ry’igihugu cya Senegal rukaba rwaremeje , Bassirou Diomaye Faye nka Perezida watsinze amatora y’umukuru w’igihugu cya Senegal.
Kuri uyu wa kabiri , tariki 2 Mata 2024 , akaba aribwo perezida Bassirou Diomaye Faye yarahiriye inshingano ze nshya zo kuba perezida w’igihugu cya Senegal nyuma y’uko avuye muri gereza akiyamamariza kuyobora iki gihugu cya Senegal.
Mbere y’uko Bassirou Diomaye Faye , yiyamamariza kuyobora igihugu cya Senegal , akaba we na mugenzi we Ousmane Sonko bari barafunzwe bakurikiranyweho ibyaha , ariko bo bakavugako bafunzwe kubera impamvu za politike.
Gufungwa kwa bagabo bikaba byarateje imidugararo mu gihugu cya Senegal ndetse haba imyigaragambyo idasanzwe yamagana ifungwa ry’aba bombi , abakora imyigaragambyo bakavugako bafunzwe ku bw’impamvu za politike.
Nyuma yo gufungurwa ku mbabazi za Perezida w’igihugu cya Senegal , Bassirou Diomaye , akaba yariyamamaje iminsi icyenda gusa mbere y’uko ibijyanye no kwiyamamaza kumwanya w’umukuru w’igihugu cya Senegal bifugwa ndetse abasha kwegukana ay’amatora.
Nyuma yo gutsinda ay’amatora rero kuri uyu wa kabiri akarahirira kuyobora iki gihugu cya senegal , Perezida Bassirou Diomaye akaba yayise agena Ousmane Sonko inshuti ye magara banafunganywe , nka minisitiri w’intebe mushya w’iki gihugu cya Senegal.