Umukuru w’igihugu , Perezida Paul Kagame , yatangaje ko aziyamamaza mu matora y’umukuru w’igihugu ateganyijwe kuba mu Rwanda mu mwaka wa 2024 , ubundi ashimira icyizere abanyarwanda bakomeje kumugirira.
Ibi , umukuru w’igihugu , Perezida Paul Kagame , akaba yarabigarutseho mu kiganiro yagiranye n’umunyamakuru w’ikinyamakuru cya Jeune Afrique ubwo yari abajijwe nimba ateganya kuzongera kwiyamamariza kuyobora u Rwanda muri 2024.
Umukuru w’igihugu , ubwo yasubizaga uyu munyamakuru akaba yaravuzeko yishimira icyizere abanyarwanda bamufitiye ubundi avugako azakomeza kuba korera uko ashoboye ndetse yemezako azatanga kandidatire ye mu matora y’umukuru w’igihugu ateganyijwe muri 2024.
Umukuru w’igihugu , Perezida Paul Kagame akaba yaragize ati ” mumaze ku byivugira ko ari ibintu bigaragarira amaso ya bose , ni nako bimeze ndishimye ku bw’icyizere abanyarwanda bamfitiye , nzakomeza kubakorera uko nshoboye. yego , rero ndi umukandida”.
Iyi nkuru akaba ari inkuru yongeye gushimisha abanyarwanda benshi doreko umukuru w’igihugu ari umwe mu bakuru b’ibihugu kw’isi ukunzwe na rubanda nyamwinshi ayoboye kuko kuva y’aba Perezida w’igihugu cy’u Rwanda atari yatorwa ku majwi ari munsi ya 90%.
Umukuru w’igihugu ubwo yabazwaga ku bihugu byo mu burengerazuba bw’isi , binenga abategetsi bamara igihe kinini ku butegetsi , akaba yaravuzeko ibyo batekereza bitamureba ngo kuko we atazi n’icyo bita demokarasi icyo ari cyo , ati uburengerazuba butegeka abandi ibyo bakwiye gukora?.
Umukuru w’igihugu , Perezida Kagame , akaba yaratangiye kuyobora u Rwanda mu mwaka wa 2000 ndetse aza kwiyamamaza mu mwaka 2003 ku nshuro ya mbere ndetse akaba yaragiye atorwa n’abaturage ku kigero cyo hejuru kuko yagiraga amajwi ari hejuru ya 90% kuva mu mwaka wa 2003 kugeza na n’ubu.
