Minisiteri y’ubuzima (Minisante) mu Rwanda , yatangajeko igiye gutanga doze ya kabiri y’urukingo rwa Covid-19 rushinangira ariko rukazahabwa abanyarwanda bafite hejuru y’imyaka 60 n’abandi bafite integenye z’umubiri , mu Rwanda.
Ni icyemezo Minisante yafashe mugihe imibare yabandura icyorezo cya Covid-19 mu Rwanda ikomeje kuba hasi , nubwo ariko icyorezo cya Covid-19 cyo gikomeje gukwirakwira aho minisiteri y’ubuzima igisaba abanyarwanda gukomeza kubahiriza amabwiriza yo ku kirinda.
Umunyamabanga wa leta muri minisiteri y’ubuzima , Dr Mpunga Tharcisse yatangajeko gahunda yo gutanga doze ya kabiri y’urukingo rushimangira rwa Covid-19 mu Rwanda , ari gahunda izatangirira ku banyarwanda bafite hejuru y’imyaka 60 ndetse n’abandi bafite integenye bitewe n’indwara barwaye.
Imibare ya Minisante , mu kwikingiza urukingo rwa Covid-19 mu Rwanda igaragazako abagera kuri 97.9% bamaze gukingirwa inkingo ebyiri za Covid-19 ndetse imibare ikagarazako abagera kuri 58.1% nabo bamaze gufata urukingo rumwe rwa Covid-19 , rushimangira.
Ni mugihe ubushakashatsi ku cyorezo cya Covid-19 , bwagarajeko uko umuntu agenda ahabwa inkingo nyinshi za Covid-19 bigenda bigabanya ibyago byo kwandura iki cyorezo ndetse no kuba umuntu ya cyandura kikaba cya muzahaza , bikaba byamuviramo n’urupfu.
