Kuri uyu kane , tariki 5 Ukwakira 2023 , mu rukerera nibwo hamenyekanye inkuru ya kababaro y’urupfu rwa bapolice babiri bapfiriye mu mpanuka ubwo bari mu muhanda uva mu karere ka Muhanga berekeza mu karere ka Ruhango.
Umuvugizi wa Police y’u Rwanda , mu ntara y’amajyepfo , SP Habiyaremye Emmanuel , akaba yatangajeko ubwo iyi mpanuka yabaga aba bapolice bari mu muhanda mu kazi bava mu karere ka Muhanga berekeza mu karere ka Ruhango.
Akaba yakomeje avugako , aba bapolice babiri bagonze imodoka y’ikamyo ya Mercedes Benz yari iparitse iruhande rw’umuhanda bitewe n’ikibazo cya tekinike iyi moto yari yagize , ndetse bombi bakaba bayise bahasiga ubuzima.
SP Habiyaremye , akaba yatangajeko nyuma yo gukora impanuka aba bapolice bayise bitaba Imana ndetse imibiri yabo iyita ijyanwa ku bitaro bya Kabgayi ubundi avugako iperereza ryayise ritangira kugira ngo hamenyekane icyateye iyo mpanuka.
Ubwo yari abajijwe niba iyi mpanuka itaba yatewe n’umuviduko mwinshi aba bapolice bagenderagaho , SP Habiyaremye , akaba ntacyo yabisubijeho ahubwo avugako buri kimwe kizamenyekana nyuma y’uko ibyavuye mw’iperereza bishyizwe ahagaragara.