Urwego rw’igihugu rw’ubugenzacyaha , RIB , rwatangajeko ko rwafunze umunyamakuru wigenga (freelance ) witwa , Nkundineza Jean Paul , akurikiranyweho ibyaha yakoreye ku murongo w’urubuga nkoranyambaga rwa YouTube.
Ku gicamutsi cyo kuri uyu wa mbere , tariki 16 Ukwakira 2023 , akaba aribwo urwego rw’igihugu rw’ubugenzacyaha , RIB , rwatangaje aya makuru yifungwa ry’uyu munyamakuru nyuma y’uko mu gitondo cyo kuri uyu wa mbere n’ubundi rwari rwamuhamagajeho.
Urwego rw’igihugu rw’ubugenzacyaha , RIB , rukaba rwatangaje ko umunyamakuru wigenga Nkundineza Jean Paul yafunze akurikiranyweho ibyaha yakoreye ku murongo wa YouTube birimo gutukana mu ruhame , guhohotera uwatanze amakuru ku byaha ndetse no gukoresha ibikangisho.
Muri ir’itangazo RIB kandi ikaba yavuzeko uyu munyamakuru kuri ubu afungiye kuri sitasiyo ya RIB ihereye ku Kimihurura mu gihe hakirimo gukorwa iperereza kugirango dosiye ye ishyikirizwe ubushinjacyaha , ubundi atangire ku buranishwa kuri ibi byaha akurikiranyweho.
Urwego rw’igihugu rw’ubugenzacyaha , RIB , rukaba rwongeye kuburira abantu bakoresha imbuga nkoranyambaga rubasaba kubahiriza amategeko azigenga ubundi ruvugako mugihe hari uzaba yayarenzeho azakurikiranwa nkuko biteganywa n’amategeko.
Umunyamakuru , Nkundineza Jean Paul , akaba afunzwe n’urwego rw’igihugu rw’ubugenzacyaha RIB nyuma y’amagambo yavugiye ku rubuga rwa YouTube nyuma y’uko Prince kid afunzwe abwira Mutesi Jolly wabaye Nyaminga w’u Rwanda 2018 , aho yamubwiye ati “tumuguhe umurye”.