Perezida w’igihugu cya Tunisia gihereye mu majyaruguru ya Africa Kais Saied yirukanye abacamanza 57 b’iki gihugu cya Tunisia abashinja ibyaha bya ruswa ndetse no gukingira ikibaba ibyaha by’iterabwoba.
Mw’ijambo yavugiye kuri televisiyo y’igihugu , Perezida Kais Saied uyoboye igihugu cya Tunisia akaba yaravuzeko urwego rw’igihugu rw’ubutabera yagiye aruha amahirwe menshi yo kwisubiraho ku mikorere yarwo mibi , ngo ariko byose bikaba iby’ubusa.
Mu bacamanze 57 birukanywe muri riri tangazo ry’umukuru wiki gihugu cya Tunisia Perezida Kais Saied hakaba harimo na bwana Yousef Busaker wigize kuba Perezida w’urukiko rw’ikirenga rw’iki gihugu cya Tunisia.
Kwirukana aba bacamanza 57 muri iki gihugu cya Tunisia , ni icyemezo Perezida Kais Saied afashe kiza gikurikira ibindi byemezo bikomeye yafashe mu mwaka wa 2021 , nabyo bitavuzweho rumwe muri iki gihugu cya Tunisia.
Mu mwaka wa 2021 Perezida Kais Saied akaba ayerutse gufata icyemezo cyo kwirukana minisitiri w’intebe w’igihugu cya Tunisia , minisitiri w’ingabo ndetse na minisitiri w’ubutabera ndetse anahagarika imirimo y’inteko nshingamategeko y’iki gihugu cya Tunisia.
Kais Saied akaba ari Perezida w’igihugu cya Tunisia w’imyaka 64 , akaba yaratangiye kuyobora iki gihugu cya Tunisia mu mwaka wa 2019 , kuri ubu uy’umuperezida Kais Saied akaba ari mu nwaka we wa 3 ayoboye iki gihugu cya Tunisia.
Source : France 24