Umukuru w’igihugu , Perezida Paul Kagame yitabiriye inama ya 22 idasanzwe y’abakuru b’ibihugu bya Africa y’iburasirazuba , EAC , yiga ku bibazo by’umutekano mucye biri mu burasirazuba bwa Repabulika iharanira demokarasi ya Congo.
Iy’inama , ikaba yaritabiriwe na Perezida Paul Kagame , Perezida William Ruto , Perezida Evariste Ndayishimiye , Perezida Salva Kiir Mayardif , Perezida Samia Suluh Hassan , ni mugihe Perezida Museveni ndetse na Tshisekedi wa DRC bari bahagariwe.
Iy’inama ya 22 idasanzwe y’abakuru b’ibihugu bya EAC , ikaba yarateraniye mu gihugu cya Kenya ikigirwamo ibibazo by’umutekano mucye biri mu burasirazuba bwa Congo ndetse n’uruhare ry’ingabo z’umuryango wa Africa y’iburasirazuba , EACRF , mu kugarura amahoro muri ik’igice.
Abakuru b’ibihugu bya EAC , muri iy’inama kandi bakaba barashimye inkungu y’umuryango wa Africa yunze ubumwe , yatanze kugirango ingabo za EAC ziri mu burasirazuba bwa Congo zibashe kuzuza inshingano zazo mu kugarura amahoro mu burasirazuba bwa Congo.
Abakuru b’ibihugu bya EAC kandi bakaba baranashimye umuhate wa Perezida Felix Tshisekedi ku musanzu we mu gushakira amahoro uburasirazuba bwa Congo ndetse na Perezida Evariste Ndayishimiye uyoboye , umuryango w’ibihugu bya Africa y’iburasirazuba , EAC.
Nyuma y’iyi nama y’abakuru b’ibihugu bya EAC , hakaba haraje gufatirwamo imyanzuro igiye itandukanye irimo no kuba ingabo za EAC , EACRF , ziri mu burasirazuba bwa Congo zakongerwa igihe ziri mu burasirazuba bwa Congo ubundi ku gihe zari zifite wongerwaho amezi atatu.
Itangazo ry’ibyemezo by’inama y’abakuru b’ibihugu bya EAC , rikaba ryavuzeko ingabo za karere ka Africa y’iburasirazuba , EACRF , ziri mu burasirazuba bwa Congo zongerewe igihe cyizahera tariki 9 Nzeri 2023 cyikazageza tariki 8 Ukuboza 2023.
