Mukirwa cya Zanzibar , kiri mu gihugu cya Tanzania hatangijwe uburyo bushya bwo gupima icyorezo cya Covid-19 hakoreshejwe uburyo bwa swab-free covid test scan , ubu buryo bukaba bwaje busimbura ubwari busanzweho buzwi nka covid-19 Rapid test busanzwe bukoreshwa mu gupima abantu icyorezo cya Covid-19 kuva ik’icyorezo cyaza kw’isi.
Ku kibuga cy’indege cyo mukirwa cya Zanzibar hakaba ariho hatangijwe ubu buryo bushya bwo gusuzuma icyorezo cya Covid-19 aho abagenzi bose bagera ku kibuga cy’indege mpuzamahanga cya Zanzibar bagapimwa icyorezo cya Covid-19 hakoreshejwe swab-free covid test scan aho gupimwa hakoreshejwe uburyo busanzwe buzwi bwa Rapid test.
Ubu uburyo bwa swab-free covid test scan buteye imbere , bwavuye mu bushakashatsi bwatwaye amafaranga y’amadorari ya America hafi miliyali imwe bukozwe na goverinoma ya Abu Dhabi muri leta zunze ubumwe z’abarabu.
Ikirwa cya Zanzibar na goverinoma y’umugi wa Abu Dhabi basanzwe bafitanye umubano ushingiye ku bukerarugendo umaze igihe kinini ndetse iki kirwa cya Zanzibar kizwiho kwakira abakerarugendo benshi baturutse muri leta zunze ubumwe z’abarabu.
Itsinda rya bantu ba mbere bapimwe icyorezo cya Covid-19 muri Zanzibar hakoreshejwe ubu buryo bushya bwa swab-free covid test scan ryageze ku kibuga cy’indege mpuzamahanga cya Zanzibar kuwa gatatu tariki 16 Gashyantare umwaka wa 2022.
Umwe mu bagenzi bapimwe icyorezo cya Covid-19 muri Zanzibar hakoreshejwe ubu buryo bushya bwa swab-free covid test scan, yavuzeko ari uburyo bwiza cyane kuruta ubwari busanzweho kuko ari uburyo bwihutisha service zo gupimwa icyorezo cya Covid-19 , yongerahoko kandi ari uburyo bwizewe.
Minisitiri w’ubuzima mukirwa cya Zanzibar yavuzeko ko nta bwandu bw’icyorezo cya Covid-19 buragaragara kuva mu ntangiriro zuyu mwaka wa 2022 uhere mu kwezi kwa mbere , abayobozi bo muri Zanzibar bakaba barishimiye ubu uburyo bwa swab-free covid test scan , bavugako ari uburyo buzorohereza abakerarugendo basura ikirwa cya Zanzibar.