Umukuru w’igihugu Perezida Paul Kagame , mu karere ka Muhanga , yafunguye ku mugaragaro urunganda rwa Anjia Prefabricated Construction Rwanda company Ltd , ruzajya rukorera sima mu Rwanda ndetse n’ibindi bikoresho by’ubwubatsi.
Kuri uyu wa kane , tariki 3 Kanama 2023 , akaba aribwo Perezida Paul Kagame yafunguye ku mugaragaro uruganda rugiye kuzajya rutunganyiriza sima mu Rwanda aho rwitezweho kuzajya rutanga umusaruro w’imifuka miliyoni 20 ku mwaka.
Perezida Paul Kagame , akaba yijeje ubuyobozi bw’uru ruganda inkunga ya leta y’u Rwanda yose ruzakenera , ur’uruganda rwa Anjia prefabricated construction Rwanda company Ltd , imirimo yo kurwubaka ikaba yari yaratangiye mu mwaka wa 2021 , muri aka karere mu Muhanga.
Ur’uruganda rwa Anjia prefabricated construction Rwanda company Ltd , akaba ari uruganda rufite inkomoko ku kigo cya West International Holdings cyo mu Bushinwa , akaba ari uruganda rwari rusanzwe rukorera sima mu bihugu bya Africa y’iburengerazuba.
Muri uy’umuhango wo gufungura ur’uruganda , Perezida Paul Kagame akaba yari kumwe na Ambassaderi w’ubushinwa mu Rwanda , Wang Xuekun , uwahoze ari Minisitiri w’intebe wa Ethiopia , Hailemariam Desalegn ndetse n’abandi bayobozi bo muri Goverinoma y’u Rwanda.
Ubuyobozi bw’uru ruganda bukaba bwavuzeko mugihe ruzaba rumaze kuzura ruzakemura ibibazo byibura rya sima mu Rwanda , rukazafasha mu iterambere ry’ubukungu bw’igihugu ndetse rukazanatanga imirimo ku baturage baruturiye ndetse n’abanyarwanda muri rusange.
