Inzego zitandukanye zishinzwe ubutasi mu gihugu cya Esupanye zatangajeko telephone ya minisitiri w’intebe wiki gihugu cya Esupanye Pedro Sanchez kumwe na minisitiri w’ingabo Margarita Robles zinjiwemo n’abantu batazwi bifashishije software ya pegasus.
Pegasus , n’ikoranabuhanga ryakozwe na sosiyete ikora amaporogaramu yo mu gihugu cya Israel , pegasus ikaba ari porogaramu ishobora kwinjizwa mu bikoresho by’ikoranabuhanga nka telephone umuntu agendana bigakorwa kuburyo nyirayo atabimenya kandi iyi pegasus ikazajya itanga amakuru ya telephone yashyizwemo.
Nyuma yaya makuru igihugu cya Esupanye cyavuzeko gifitiye ibinyetso , leta ya Esupanye yatangajeko minisiteri y’ubutabera igiye gutangira gukora iperereza kuri ibyo bikorwa bibi bigamije kwinjirira abategetsi bakuru biki gihugu cya Esupanye kungirango hamenyekane abashakaga kwinjirira aba bayobizi bakuru b’igihugu.
Ntago higeze hatangazwa abagerageje kwinjirira aba bayobizi bakuru biki gihugu uko bombi ari babiri yaba minisitiri w’intebe cyangwa se minisitiri w’ingabo muri iki gihugu cya Esupanye , amakuru yo akavugako telephone ya minisitiri w’intebe yo yaba yarinjiriwe mu kwezi kwa Gicurasi umwaka wa 2021 mu gihe iya minisitiri w’ingabo yo yinjiriwe muri Kanama n’ubundi muruho mwaka wa 2021.
Ni mugihe sosiyete yo mu gihugu cya Israel ya NOS group yakoze iyi software ya pegasus yakunze gushinjwa kuba yaragurishije iyi software ya pegasus kuri za leta z’ibihugu bitandukanye kugirango zibashe gukurikirana no kuneka abatavuga rumwe nizo leta , gusa iyi sosiyete ya NSO group yo yakunze guhakana ibiyivungwaho byose.
Source : Reuters