Umugaba mukuru w’ingabo z’igihugu cya Mozambique , CGS Admiral Joaquim Mangrasse , ari kumwe n’abandi bayobozi mu ngabo z’igihugu cya Mozambique basuye ingabo z’u Rwanda ziri muri ik’igihugu cya Mozambique , mu ntara ya Cabo Delgado.
Kuri uyu wa gatandatu , tariki 26 Kanama 2023 , akaba aribwo Umugaba mukuru w’ingabo za Mozambique CGS Admiral Joaquim Mangrasse yasuye ingabo z’u Rwanda ziri muri ik’igihugu , mu rwego rwo guha ikaze ingabo z’u Rwanda ziyobowe na Maj Gen Alex Kagame.
Kuwa 31 Nyakanga 2023 , akaba aribwo abasirikare b’u Rwanda bari bamaze hafi imyaka ibiri muri ik’igihugu cya Mozambique mu ntara ya Cabo Delgado basoje inshingano zabo ubundi hoyerezwa abandi basirikare bajya ku basimbura muri iz’inshingano.
Ubwo CGS Admiral Joaquim Mangrasse yasuraga ab’abasirikare b’u Rwanda baje gukomereza aho bagenzi babo bari bagejeje , akaba yarashimye ibikorwa by’izi ngabo z’u Rwanda mu gufatanya n’igisirikare cya Mozambique mu kurwanya imitwe y’iterabwoba muri iy’intara ya Cabo Delgado.
Ur’uruzinduko rwa CGS Admiral Joaquim Mangrasse asura ingabo z’u Rwanda ziri muri ik’igihugu cya Mozambique , akaba ari uruzinduko rwari rugamije guha ikaze ingabo z’u Rwanda ziri muri ik’igihugu mu rugamba rwo guhangana n’imitwe y’iterabwoba mu bice bitandukanye byo mu mujyi wa Mocimboa de prai muri iy’intara ya Cabo Delgado.
