Abakurikirana iby’intambara iri kubera muri Ethiopia batangajeko inyeshyamba za TPLF zisubije umujyi w’amateka wa Lalibela nyuma y’igitero inyeshyamba za TPLF zagambye ku ngabo za leta ya Ethiopia.
Ibi bibaye nyuma yuko minisitiri Abiy Ahmed avuye ku rugamba agasubira mu biro , kandi bibaye nyuma y’umunsi umwe uwahoze afite ipeti rya General mu gisirikare cya Ethiopia ubwo TPLF yariri kubutegetsi , wari waragiye mu kiruhuko kizabukuru asubiye ku rugamba ari kuruhande rw’inyeshyamba za TPLF.
kuri iki cyumweru nibwo hatangiye kumvikana amakuru avugako inyeshyamba za TPLF zongeye gufata imigi yari imaze iminsi ifashwe n’ingabo za leta ya Ethiopia , ibi byabaye ubwo TPLF yagabaga ibitero ku ngabo za Ethiopia maze zigatatana.
Mu migi TPLF yisubije uwamenyekanye cyane ni umugi wa Lalibela , umugi w’amateka ku gihugu cya Ethiopia kubera inyubako zihurimo n’ibyiza nyaburanga bishingiye ku iyobokamana , ubuhanga bw’imyubakire ya kera , umugi wa Lalibela ukaba waragizwe umurage w’amateka w’isi ucungwa na UN.
Iy’intambara ikomeje gutizwa umurindi n’amahanga , igihugu cya Misiri kumwe na America , OTAN n’ibihugu byo ku mugabane w’iburayi bose bashyigikiye TPLF kubera inyungu byabonaga igihe TPLF yari ikiyoboye Ethiopia , mu gihe uburusiya n’ubushinwa byo biri kuruhande rwa leta ya Ethiopia na Abiy Ahmed.