Inyeshyamba zigera kuri 38 kumwe n’abaturage ba banye-congo bagera kuri 12 baguye mu mirwano yahanganishije inyeshyamba za ADF kumwe n’ingabo za leta ya DR Congo , mu mirwano igera ku minsi 4 mu majyaruguru yiki gihugu cya DR Congo.
NKuko byatangajwe n’ubuyobozi bw’igisirikare cya DR Congo , cyatangajeko Ingabo za leta ya DR Congo ziri kugaba Ibitero ku mitwe yitwara nkiya gisirikare iri mu majyaruguru y’igihugu cya DR Congo mu guhangana no guhashya iyi mitwe imaze gushinga ibirindiro muri iki gihugu cya DR Congo.
Rikaba ari itangazo igisirikare cya DR Congo cyasohoye tariki 27 Ukoboza uyu mwaka wa 2021, iyi mirwano yabereye mu gace ka Ituri mu bihe bitandukanye aho Ingabo za leta ya DR Congo zikomeje guhangana n’inyeshyamba ziganje muri aka gace.
Igisirikare cya DR Congo gihanganye n’imitwe irimo CODECO , ADF inakekwaho kuba ari umutwe ushamikiye ku mutwe wa Islamic state , mu cyumweru gishize nibwo abasivire 9 bo mu gace ka Mambembe bishwe n’inyeshyamba za ADF abandi 3 bagwa mu gitero cyabaye kuwa gatandatu wakurikiyeho.
Ibi bikaba byaratangajwe n’umuyobozi waka gace ka Mambembe abitangariza ibiro ntaramakuru by’abafaransa AEFP aribyo tunakesha iyi nkuru , ni mu gihe Tariki 30 Ugushyingo uyu mwaka Ingabo za DR Congo n’ingabo za Uganda bishyize hamwe batangiza urugamba rwo kurwanya umutwe wa ADF ushamikiye ku mutwe wa Islamic state .
ADF iherutse no kugaba Ibitero mu gihugu cya Uganda ibitero bigera kuri 3 bigayitana abantu benshi abandi bagakomereka cyane , nyuma yibi bitero igihugu cya Uganda cyasabye leta ya DR Congo kobafata bakarwanya Ibikorwa byuyu mutwe wa ADF.
Source :AEFP