Mu karere ka Gakenke mu ntara y’amajyaruguru , ikigo cy’amashuri cya EAV Rushashi cyibasiwe n’inkongi y’umuriro yafashe aho abana ba bahungu baryama ubundi umunyeshuri umwe ahasiga ubuzima undi avunika umugongo.
Mu rucyerera rwo kuri uyu wa gatandatu , tariki 20 Mutarama 2024 , ahagana saa cyenda z’igicuku akaba aribwo inkongi y’umuriro yibasiye iburyamo bw’abanyeshuri ba bahungu biga kuri iki kigo cy’amashuri cya EAV Rushashi.
Nkuko Mayor wa karere ka Gakenke yabitangaje , akaba yavuzeko ikigo cy’amashuri cya EAV Rushashi cyibasiwe n’inkongi y’umuriro yafashe uburyamo bw’abanyeshuri ba bahungu ndetse avugako umwana umwe uy’umuriro wa guyeho bwa mbere yayise yitaba Imana.
Mukandayisenga Vestine Mayor wa karere ka Gakenke , akaba yavuzeko iy’inkongi y’umuriro yibasiye ikigo cy’amashuri cya EAV Rushashi ishobora kuba yaturutse ku itsinga z’amashanyarazi z’iki kigo cy’amashuri cya EAV Rushashi.
Uyu muyobozi akaba yihanganishije umuryango w’uyu mwana wigaga mu mwaka wa gatanu w’amashuri wari utuye mu karere ka Kayonza , uyu muyobozi kandi akaba yanihanganishije abanyeshuri babuze mugenzi wabo biganaga kuri iki kigo cya EAV Rushashi.
Minisiteri y’uburezi mu Rwanda , ibinyujije ku rubuga rwa X rwahoze ari Twitter , ikaba yihanganishije umuryango w’uyu mwana w’umunyeshuri wishwe n’iyi nkongi y’umuriro yibasiye iki kigo cy’amashuri cya EAV Rushashi giherereye muri Gakenke.