Umukuru w’igihugu , Perezida Paul Kagame , yakiriye mu biro bye Village Urugwiro umuyobozi w’umutwe witwaje intwaro wa RSF (Rapid Support Force) uri mu ntambara n’igisirikare cya Sudan , General Mohamed Hamdan Dagalo uzwi nka Hamedti.
General Mohamed Hamdan Dagalo uzwi nka Hamedti , akaba yarasuye igihugu cy’u Rwanda nyuma yo kuva mu gihugu cya Uganda ahuye na Perezida w’iki gihugu , Perezida Yoweri Kaguta Museveni bakagira ibiganiro , mu ruzinduko rwe arimo kugirira muri EAC Africa.
Nkuko byemejwe na minisiteri y’ububanyi na mahanga y’u Rwanda , ikaba yaratangajeko kuwa gatanu tariki 5 Mutarama 2024 , Perezida Paul Kagame yakiriye General Mohamed Hamdan Dagalo komanda wa RSF uri kugirira uruzinduko mu bihugu bya EAC.
Nkuko iyi minisiteri yabitangaje , General Mohamed Hamdan Dagalo akaba yarasobanuriye Perezida Paul Kagame uburyo ibintu bihagaze mu gihugu cya Sudan ndetse n’intambwe zimaze guterwa mu gushakira amahoro iki gihugu cya Sudan.
Perezida Paul Kagame nawe akaba yaremereye umusanzu w’u Rwanda General Mohamed Hamdan Dagalo kugirango ibiganiro by’amahoro bikomeje hagati y’impande zihanganye bitange umusaruro , kugirango intambara ihanganishije igisirikre cya Sudan na RSF , ishyirweho akadomo.
General Hamedti , abinyujije ku rubuga rwa X akaba yaravuzeko Perezida Paul Kagame yumvise icyerekezo cy’umutwe wa RSF ndetse agaragaza ko u Rwanda ari igihugu gikomeye kandi cyo kwigirwaho byinshi by’umwihariko ku bihugu byasenywe n’intambara nandi makimbirane byifuza amahoro n’iterambere.