Igihugu cya Africa y’epfo cyasabye urukiko mpuzamahanga mpanabyaha rwa (ICC/CPI) kuba rwasohora urupapuro ruta muri yombi minisitiri w’intebe w’igihugu cya Israel , Benjamin Netanyahu , kubera ibyaha by’intambara ingabo za Israel ziri gukorera muri Gaza.
Africa y’epfo , ikaba yasabyeko kandi bitarenga hagati mu kwezi ku Ukuboza (12) uru rukiko mpuzamahanga mpanabyaha rwa ICC rutarasohora uru rupapuro ruta muri yombi minisitiri w’intebe w’igihugu cya Israel , Benjamin Netanyahu.
Minisitiri mu biro bya Perezida wa Africa y’epfo , Khumbudzo Ntshavhevi , akaba yaravuzeko mugihe uru rukiko mpuzamahanga mpanabyaha rwa ICC rwaba rudakoze ibyo rusabwa , byagaragaza ukunanirwa kuzuye ku butegetsi bw’isi.
Igihugu cya Africa y’epfo kikaba ari kimwe mu banyamuryango b’uru rukiko rwa ICC ariyo mpamvu cyakoresheje ububasha bwacyo gihabwa nk’umunyamuryango w’uru rukiko kigasabako hasohorwa urupapuro rwo guta muri yombi , Benjamin Netanyahu.
Nyuma , y’ubu busabe bwa Africa y’epfo , igihugu cya Israel kikaba cyarayise gihamagaza ambassaderi wacyo muri Africa y’epfo ndetse bitangazwako yahamagawe kugirango bagire icyo baganiraho , bitewe n’uburyo ibintu bimeze hagati ya Israel na Africa y’epfo.
Kuva tariki 7 Ukwakira 2023 , Israel yatangije ibitero byiswe ibitero byo kwirwanaho nyuma y’uko umutwe wa Hamas ugambye igitero muri Israel kigahitana abanay-israel 1200 abandi bagera kuri 200 bagashimutwa ndetse na n’ubu batararekurwa.
Africa y’epfo yamaganye , ibi bitero bya Israel muri Gaza ndetse inahamagaza aba dipolomate bayo bari muri Israel ivugako yamagana ibitero bya Israel muri Gaza birimo kwibasira inyoko muntu ndetse no guhonyora uburenganzira bwa muntu bwa banya-Palestine.
Mugihe kingana n’ukwezi kumwe n’igice gishize Israel irimo kurasa muri Gaza hakaba hamaze kubarurwa abaturage barenga ibihumbi 14,500 ba banya-Palestine bamaze gupfa aho Israel ivugako irimo gukora ibitero byo kwirwanaho muguhangana n’umutwe wa Hamas.