Mu gihugu cya Nigeria , Abadepite banze gutora umushinga wazanywe mu nteko na goverinoma y’iki gihugu wo kugurira ubwato bugezweho Perezida w’iki gihugu cya Nigeria bw’amafaranga angana na miliyoni 6 z’amadorari ya America.
Abadepite b’inteko ya Nigeria mu kwanga gutora uyu mushinga wo kugurira ubwato bugezweho Perezida , bakaba baravuzeko kugura ubwo bwato by’aba ari ugupfusha ubusa amafaranga ya leta mugihe hakiri ibibazo igihugu kigomba kwitaho , birimo ubuzima buhenzi umunsi ku wundi muri ik’igihugu.
Umushinga wo kugurira ubwato Perezida w’iki gihugu cya Nigeria ukaba wari umaze iminsi muri iki gihugu urikoroza by’umwihariko mu bakoresha imbuga nkoranyambaga ndetse no mw’itangazamakuru ryo muri iki gihugu cya Nigeria.
Abakoresha imbuga nkoranyambaga muri Nigeria ndetse n’itangazamakuru bakaba baravugagako kugurira ubwato bwa miliyoni 6 z’amadorari , Perezida Ahmed Bola Tinubu , bidakwiye kubera ikibazo cy’ubukungu bw’iki gihugu cya Nigeria bwifashe nabi.
Gusa , n’ubwo Abadepite basubije inyuma uyu mushinga wo kugurira ubwato Perezida w’iki gihugu cya Nigeria , Ahmed Bola Tinubu , goverinoma y’iki gihugu ikaba iri muri gahunda yo kugura indege bwite ya Perezida izayitwara amafaranga angana na miliyoni 13 z’amadorari.