Urukiko rukuru rw’ubujurire rwategetse ko , Ishimwe Dieudonné wamenyekanye nka Prince kid ubwo yari umuyobozi wa kompanyi itegura irushanwa rya Miss Rwanda , afungwa imyaka itanu ndetse no gutanga indishyi ya kababaro ingana na miliyoni ebyiri z’amafaranga y’u Rwanda.
Urukiko rukuru rw’ubujurire , rukaba rwasabiye iki gihano Ishimwe Dieudonné wamenyekanye nka Prince kid , nyuma y’igihe kirekire hari kuba uru rubanza rwabayemo impaka ndende ziturutse ku bimenyetso bimwe na bimwe byatangagwa n’ubushinjacyaha.
Prince kid , akaba yari yaragizwe umwere n’urukiko rw’ibanze , nyuma y’uko umucamanza ahaye agaciro impapuro zasinywe n’abakobwa bivugwako bashinjaga Prince kid kubakorera ihohoterwa rishingiye ku gitsina ariko nyuma bakaza kuzisinyira imbere ya noteri babihakana.
Muri uru rubanza rw’ubujurire , umucamanza akaba yaravuzeko impapuro zasinywe n’abakobwa imbere ya noteri nta gaciro zifite korero ntacyo zizafasha Prince kid uregwa , ibintu byakuruye impaka ndende muri uru rubanza rwa Prince kid , byatumye rutinda.
Umucamanza akaba yaravuzeko inyandiko aba bakobwa bakoreye imbere y’urwego rw’igihugu rw’ubugenzacyaha , RIB , arizo zigomba guhabwa agaciro ngo kuko nta mpamvu bagaragaje zituma bavuguruza ibyo bari bemeye mu bugenzacyaha ubwo babazwaga mugihe cy’iperereza.
Prince kid akaba yari yarafunzwe akurikiranyweho ibyaha birimo gukorera undi ihohoterwa rishingiye ku gitsina bivugwako yarikoreye mu bihe bitandukanye abakobwa bitabiriye irushanwa ry’ubwiza , Miss Rwanda , ryategurwaga na kompanyi uyu musore yari ayoboye.
Urukiko rw’ibanze , rukaba rwari rwaragize Prince kid umwere kuri ibi byaha yari akurikiranyweho ariko ubushinjacyaha buza kujururira uyu mwanzuro mu rukiko rukuru rw’ubujurire rusabako umwanzuro w’urukiko rw’ibanze wo kugira Prince kid umwere wateshwa agaciro.
Nyuma rero y’igihe kirekire uru rubanza ruri kuba doreko bitewe n’igihe rumaze Prince kid akatiwe igifungo cy’imyaka itanu yaramaze gushakana n’umukobwa nawe wabaye nyampinga w’u Rwanda ariwe Miss Iradukunda Elsa , prince kid akaba yasabiwe gufungwa imyaka itanu ndetse no kwishyura miliyoni ebyiri z’amafaranga y’u Rwanda.