Ku gicamutsi cyo kuri iki cyumweru , tariki 1 Ukwakira 2023 , mu burasirazuba bw’igihugu cya Congo wongeye kubura imirwano hagati y’ingabo za Repabulika iharanira demokarasi ya Congo , FARDC , ndetse n’abarwanyi b’umutwe wa M23.
Impande zombi zikaba zishinjanya gutangiza iyi mirwano hagati y’ingabo za Repabulika iharanira demokarasi ya Congo ndetse n’abarwanyi b’umutwe wa M23 , nyuma y’uko hari hashize igihe hari agahenge kagiyeho kubera ibikorwa by’ingabo za EAC.
Mwitengazo rya sohowe n’umuvugizi w’umutwe wa M23 , Lorence Kanyuka , rikaba ryarashinje leta ya Congo iyobowe na Perezida Felix Tnhisekedi kuba yarongeye gutangiza intambara ku barwanyi ba M23 nkuko yari yabitangaje mu nama ya 78 y’umuryango wa abibumbye (Loni).
ir’itangazo rikaba rikomeza rivugako ingabo za Congo FARDC , FDLR , Nyatura n’indi mitwe ya yogoje Africa y’iburasirazuba n’abacancuro ba Wagner group , aribo bakomeje guhangana na M23 muri iyi mirwano ndetse mugihe iyi mirwano igikomeje M23 ikaba yamaze kwigarurira ibice bimwe na bimwe.
Iyi mirwano yongeye kubura kandi hagati y’impande zombi , FARDC na M23 , akaba ari imirwano yari imaze igihe itutumba nkuko bitangazwa n’abakurikirana bya hafi iby’iyi mirwano , mu ntara ya Kivu y’amajyarugu , imirwano ikomeje ku ikibazo cy’umutekano mucye mu burasirazuba bwa Congo.
Mugihe , impande zombi zikomeje guhangana , leta ya Congo yo ikaba ntacyo iratangaza kuri iyi mirwano yongeye kwaduka mu burasirazuba bw’iki gihugu cya Congo ndetse umutwe wa M23 ukaba warashinje igisirikare cya Congo , FARDC , gifatanyije n’indi mitwe aricyo cyongeye gutangiza iyi mirwano.