Ikipe ya Manchester United nyuma y’uko itsinzwe ibitego (1-3) itsindwa n’ikipe ya Brighton , iyi tsindira ku kibuga cy’ayo , Old Trafford , iyi kipe yo mu mujyi wa Manchester hakomeje kwibazwa ku kazoza kayo ka kayoberekana nyuma y’uko ikomeje kwitwara nabi.
Ikipe ya Manchester United kuva shampiyona y’ubwongereza , Primier League , umwaka w’imikino wa 2023/24 yatangira ikaba imaze gukina imikino itanu ya shampiyona aho yabashije gutsindamo imikino ibiri gusa ubundi indi itatu ikayitsindwa.
Iyi kipe ya Manchester United ikaba yarongeye gutangira shampiyona nabi nyuma y’uko mu mwaka w’imikino wa 2022/23 nabwo yari yatangiye nabi ariko nyuma ikaza kubyutsa umutwe igahatana ku rwego buri mufana w’iyi kipe muri icyo gihe yari kwishimira.
Nyuma rero yo kongera gutangira nabi shampiyona nanone hakaba hategerejwe kureba niba iyi kipe ya kongera ikabyutsa umutwe hakiri kare doreko amakipe yandi yitwako bahora bahanganye kuri ubu yo ameze neza nk’ikipe ya Arsenal , Liverpool , Manchester City na Tottenham.
Gusa , nubwo bimeze gutya itsinzi ikaba yabuze muri iyi kipe ya Manchester United , kurundi ruhande akaba ari ikipe yuzuyemo urusobekerane rw’ibibazo ushobora kuvugaho bukira bukongera bugacya bitewe n’ibibazo bitagira uko bingana biri muri iyi kipe ya Manchester United.
Abakunzi ba Manchester United kw’isi , bakaba bakomeje kwibaza icyabuze ngo ibintu bisubire ku murongo nkuko byahoze ariko bikaba bikomeje kwanga burundu doreko nyuma y’uko abafite mu nshingano iyi kipe , nyuma yo gutangaza ko bagiye kuyigurisha byarangiye bitabayeho.
Abafana ba Manchester United bakaba bamaze igihe bakora imyigaragambyo isabako iyi kipe yagurishwa igakurwa mu muryango wa Grazer Family uyifite mu nshingano bavugako igihe cyabo cyarangiye bakangombye kureka ikipe yabo.
Manchester United , hakaba hakomeje kwibazwa ku hazaza y’iyi kipe doreko hari ubwoba bw’uko bishobora kurangira yikubise hasi ku buryo itazabasha kubyutsa umutwe bitewe nabayifite ngo kuko bo birebera inyungu z’ubucuruzi kurusha kwita ku musaruro w’ikipe n’ibikombe aribyo byatumye Manchester United iba ikipe ikomeye kw’isi.