Umikinnyi Sergio Busquets ukinira ikipe ya FC Barcelona ndetse n’igihugu cya Esupanye mu kibuga hagati yatangajeko mu mpera z’umwaka w’imikino “mu mpeshyi” azava mw’ikipe ya FC Barcelona yaramazemo imyaka 18 ayikinira nk’uwabigize umwuga.
Busquets , akaba yatangaje umwanzuro wuko azasohoka mw’ikipe ya FC Barcelona ubwo umwaka w’imikino uzaba urangiye nyuma y’uko yarakiri umukinnyi iy’ikipe ya FC Barcelona ikigenderaho mu kibuga hagati aho yari umukinnyi FC Barcelona yifuzagako yakongera amasezerano ye.
Ni mugihe bitaratangazwa aho uy’umukinnyi Sergio Busquets azerekeza nyuma yo kuva mw’ikipe ya FC Barcelona yaramazemo imyaka 18 , amakuru akavugako ashobora kwerekeza mu gihugu cya Saudi Arabia kugirango akomerezeyo kariyeri ye yo gukinira umupira w’amaguru.
Sergio Busquets , akaba asezeye mw’ikipe ya FC Barcelona mugihe bivungwako iy’ikipe ishaka kugarura umukinnyi wayo Lionel Messi wavuye muri iy’ikipe kubera ibibazo by’ubukungu yari ifite akerekeza mw’ikipe ya Paris Saint-Germain yo mu bufaransa.
Ni mugihe umubano w’uyu mukinnyi ndetse na Paris Saint-Germain utifashe neza aho uhagariye inyungu z’uyu mukinnyi akaba na se umubyara yatangajeko umuhungu we atazigera yongera amasezerano n’ikipe ya Paris Saint-Germain ahubwo ko ubwo umwaka w’imikino uzaba urangiye azasohoka muri iy’ikipe ya PSG.
Messi , nyuma yo gusohoka mw’ikipe ya PSG bikaba bitaremezwa aho azakomereza kariyeri ye yo gukina umupira w’amaguru nk’uwabigize umwuga gusa bikaba bivungwako ashobora gusubira muri FC Barcelona nubwo ariko bitoroshye cyangwa se akaba yakerekeza muri Saudi Arabia mw’ikipe ya Al Hilal bivugwako bamaze no kumvikana.
Sergio Busquets , akaba asezeye mw’ikipe ya FC Barcelona nyuma yo kumaramo imyaka 18 aho yatwaranye n’iyi kipe ibikombe bigiye bitandukanye birimo ibikombe bya champions league , ibikombe bya shampiyona ya Esupanye “La Liga” ndetse n’ibindi bikombe bigiye bitandukanye yatwaranye n’iyi kipe mugihe cy’imyaka 18 yaramazemo.