Perezida Vladimir Putin w’igihugu cy’uburusiya yashinje ibihugu byo mu burengerezabu bw’isi ndetse n’umuryango wa OTAN , kuba aribyo ntandaro y’intambara yo muri Ukraine , igihugu cye cy’uburusiya gikomeje guhanganiramo n’ibi bihugu.
Perezida Vladimir Putin , akaba yarabigarutse kuri uyu wa kabiri ubwo yagezaga ijambo ry’umwaka ku ntekonshingamateko y’igihugu cy’uburusiya , nkuko byari byitezwe akaba ari ijambo ryibanze ku bitero by’uburusiya ku gihugu cya Ukraine bibura iminsi mike ngo umwaka wuzure barwana.
Mw’ijambo rya Perezida Vladimir Putin akaba yaravuzeko intambara ya Ukraine intandaro yayo ari ibihugu byo mu burengerezaba bw’isi bihora byifuza gusenya igihugu cy’uburusiya bakagicamo ibice , ibintu Perezida Vladimir Putin yavuzeko bitashobika.
Perezida Vladimir Putin akaba yarashinje ibihugu byo mu burengerezuba bw’isi biyobowe na leta zunze ubumwe za America kugerageza gushaka gusenya uburusiya byitwaje igihugu cya Ukraine ndetse avugako uburusiya bwatangije ibikorwa bya gisirikare kuri Ukraine bitewe nizo mpamvu.
Perezida Vladimir Putin kandi akaba yaravuzeko igihugu cye kigiye gukomeza ibikorwa byo gusuzuma intwaro kirimbuzi ndetse anatangazako uburusiya bwamaze kwikura mu masezerano na leta zunze ubumwe za America yo gukumira hagati y’ibihugu byombi izo ntwaro kirimbuzi.
Uburusiya bukaba bwikuye muri ay’amasezerano na leta zunze ubumwe za America nyuma y’uko leta zunze ubumwe za America zishinjwe gushyiriraho imirongo nyirantarengwa abagenzuzi b’uburusiya mu by’intwaro kirimbuzi bari ku butaka bwa leta zunze ubumwe za America.
Ay’amasezerano yo gukumira ikorwa cyangwa ikwirakwizwa ry’intwaro kirimbuzi yari hagati y’ibihugu byombi akaba yaratangiye kugenda biguruntege nyuma y’uko uburusiya butangije ibikorwa bya gisirikare ku gihugu cya Ukraine ubundi uburengerazuba bw’isi bugafatira ibihano uburusiya bubushinja gushoza intambara kuri Ukraine.
Mw’ijambo rya Perezida Vladimir Putin kandi akaba yavuzeko igihugu cye kiteguye gukomeza ibitero byacyo muri Ukraine ntagingo yiteguwe gufatwa yo kubihagarika ndetse ashinja umuryango wa OTAN kuba ukomeje kuba ikibazo ku muryango mpuzamahanga bitewe n’ibikorwa byaho byo gushoza intambara mw’isi.
Ijambo rya Perezida Vladimir Putin rikaba ritarakiriwe neza mu bihugu byo mu burengerezaba bw’isi by’umwihariko abategetsi ba leta zunze ubumwe za America barimo na Perezida w’ik’igihugu Joe Biden aho yavuzeko umuryango wa OTAN ari umuryango ushyigikira amahoro mugihe Perezida Vladimir Putin we yawise umuryango uteje akaga mw’isi.