Igitaramo cyatumiwemo umuhanzi Demarco wo mu gihugu cya Jamaica , cyabaye kuwa gatandatu tariki 28 Mutarama 2023 , cyabaye igitaramo cyasize amateka ya bimwe mu bitaramo byabereye mu inzu y’imyidagaduro ya BK Arena , bikabura abafana.
Igitaramo cy’umuhanzi Demarco wo muri Jamaica , n’igitaramo cyanditse amategeko yo kuba kimwe mu bitaramo byabereye mu nzu y’imyidagaduro ya BK Arena bikabura abafana kuburyo ik’igitaramo cyitabiriwe n’abafana batarenze 1000.
Mbere y’uko ik’igitaramo kiba hakaba hari hanabanje kumvikana urunturuntu mu bahanzi bari bagitumiwemo aho abahanzi barimo umuhanzi Ish Kevin ndetse n’umuhanzi Chris Easy banditse bamenyesha abateguye ik’igitaramo ndetse n’abakunzi babo ko batazakitabira.
Inzu ifasha umuhanzi Chris Easy mu bijyanye n’umuziki we yo ikaba yarandikiye abateguye ik’igitaramo ibamebyeshako umuhanzi wabo atakitabiriye ik’igitaramo bitewe n’imitegurere mibi yabo ndetse iy’inzu yihanganisha n’abafana b’uy’umuhanzu Chris Easy.
Ik’igitaramo cyari cyatumiwemo uy’umunya-Jamaica , Demarco , akaba ari igitaramo abakunzi benshi b’ibirori mu Rwanda bari baciye amarenga y’uko gishobora kubura abafana bitewe n’izina ry’umuhanzi bari batumiye , bavugako ari umuntu utazwi mu ruhando mpuzamahanga mu bijyanye n’umuziki.
Nubwo ariko ari igitaramo cyitabiriwe ntabatarenze 1000 , abahanzi barimo Bushali , Ariel wayz , kivumbi king kumwe n’umuhanzi Demarco bakaba barasusurukije bake bari mu nyubako y’imyidagaduro ya BK Arena bari baje kwihera ijisho ab’abahanzi.
Ik’igitaramo cya Demarco nacyo kikaba kije kiyongera ku bindi bitaramo byabereye muri iy’inzu y’imyidagaduro ya BK Arena kikabura abafana bitewe n’imitegurire yacyo mibi cyangwa n’amazina y’abahanzi batumiwe muri ibyo bitaramo.
