Minisitiri w’ubumwe bw’abanyarwanda n’inshingano mboneragihugu , Dr Bizimana Jean Damascene yagaragarije komisiyo y’ubumwe bw’abanyarwanda ko hari ikizere cy’uko uy’umwaka wa 2023 ushobora kuzarangira inzibutso za genoside yakorewe abatutsi zanditswe mu murage w’isi (UNESCO) , kuko ibisabwa byose byamaze kuzuzwa.
Ibi bikaba byaragarutsweho kuwa gatatu tariki 25 Mutarama 2023 , ubwo Minisiteri y’ubumwe bw’abanyarwanda n’inshingano mboneragihugu yari mu nteko yitabye komisiyo y’ubumwe bw’abanyarwanda kugirango itange ubusobanuro ku ingingo zitandukanye zirimo n’uko inzibutso za genoside yakorewe abatutsi zigomba kwandikwa mu murage w’isi (UNESCO).
Inzibutso za genoside yakorewe abatutsi zigomba kwandikwa mu murage w’isi UNESCO , zikaba zirimo Urwibutso rwa Kigali , Urwibutso rwa Nyamata , Urwibutso rwa Bisesero ndetse n’urwibutso rwa Murambi , iz’inzibutso uko ari enye akaba arizo nzibutso ziri gusabirwa kwandikwa mu murage w’isi mw’ishami ry’umuryango wa abibumbye ryita ku burezi , ubumenyi n’umuco UNESCO.
Minisitiri , Dr Bizimana Jean Damascene , akaba yaragaragarije komisiyo y’ubumwe bw’abanyarwanda ko ibyasabwaga byose byamaze kuzuzwa ndetse ko n’ishami ry’umuryango wa abibumbye ryita ku burezi , ubumenyi n’umuco UNESCO naryo ryamaze kubisuzuma ubundi ribagaragariza mu nyandiko ko byuzuye , ntakibazo.
Minisitiri , Dr Bizimana akaba yarakomeje avugako icyo bagiye gukomeza gukora nka Minisiteri y’ubumwe bw’abanyarwanda n’inshingano mboneragihugu ari ugukomeza kwita ku nzibutso kuko nabyo biri mu birebwa na UNESCO , ibikorwa yavuzeko bagiye kwibandaho harimo no gukora umuhanda ujya mu Bisesero uvuye kuri kaburimbo , umuhanda w’ibirometero 8.
Ikindi cyagarutsweho akaba ari gahunda yo guhuza inzibutso za genoside yakorewe abatutsi mu turere , Minisiteri y’ubumwe bw’abanyarwanda n’inshingano mboneragihugu yasobanuyeko amabwiriza abigenga ndetse n’ibigomba gukorwa byamaze kugezwa mu turere , ni mugihe ariko ahazakurwa inzibutso hazashyirwa ikimenyetso cy’urwibutso yaba icyanditseho amazina yabaguye aho hantu cyangwa urumuri rw’ikizere ruhora rwaka.
