Nyuma y’imikino y’igikombe cy’isi cya Qatar world cup 2022 cyegukanywe n’igihugu cya Argentina , kuri ubu amashampiyona yongeye gufungura nyuma y’ukwezi kumwe n’igice afunze kubera igikombe cy’isi cyabaye hagati mu mwaka shampiyona zitandukanye zikinwa.
Shampiyona ya Primier League arinayo shampiyona ikunzwe kurusha izindi zisigaye zose kw’isi , kuri uyu wa mbere akaba aribwo yongeye gufungura amakipe agaruka mu kibuga nyuma y’umunsi mukuru wa noheli , ku munsi wo gutanga impano , umunsi bakunze kwita boxing day.
Amakipe atandukanye arimo Manchester United , Arsenal , Chelsea , Tottenham Hotspur , Liverpool ndetse n’ikipe ya Newcastle united akaba yarongeye kugaruka mu kibuga ndetse akanitwara neza atsinda imikino yayo mu rwego rwo gukomereza aho yari yarasubikiye.
Kumunsi wa 16 w’iyi shampiyona ya Primier League , amakipe arimo nk’ikipe ya Newcastle united ndetse n’ikipe ya Arsenal akaba yarakomeje kwerekana urundi rwego rw’uko ay’amakipe afite ubushobozi bwo guhatanira igikombe cya shampiyona ya Primier League.
N’inyuma y’uko ubwo ya shampiyona yatangiraga nta muntu wahaga amahirwe ay’amakipe yombi ku kuba yahatanira igikombe cya shampiyona ariko kuri ubu akaba ariyo makipe ayoboye urutonde rwa shampiyona ya Primier League , nyuma y’umunsi wa boxing day.
Umunsi wa 16 wa shampiyona ya Primier League ukaba warangiye ikipe ya Arsenal iyoboye urutonde rwa shampiyona n’amanota 40 , aho ikurikirwa n’ikipe ya Newcastle united n’amanota 33 mugihe ikipe ya Manchester City iribukine umukino wayo uy’umunsi kuwa gatatu n’ikipe ya Leeds United.
Ni mugihe izindi kipe zirimo Manchester United , Liverpool ndetse na Chelsea nazo zongeye kubona amanota atatu nyuma y’uko ari amakipe yatangiye shampiyona nabi batsindwa mu buryo bubi , gusa ikipe ya Tottenham Hotspur yo umunsi wa boxing day ukaba utarayigendekeye neza kuko yaganyije n’ikipe ya Brentford ibitego (2-2).