Umukunzi wa Cristiano Ronaldo , Georgina Rodriguez yamutunguye kumunsi wa Noheli amuha impano y’imodoka ya Rolls-Royces ifite agaciro k’amafaranga angana na n’ibihumbi 300 by’amadorari akaba miliyoni 300 z’amafaranga y’u Rwanda.
Georgina Rodriguez akaba yahaye iy’impano umukunzi we Cristiano Ronaldo nyuma y’uko we nawe bibereye mu biruhuko mu rugo rwabo mu gihugu cya Portugal nyuma y’uko Ronaldo kuri ubu ari umukinnyi udafite ikipe akinira nyuma yo gutandukana na Manchester United.
Georgina Rodriguez na Cristiano Ronaldo , bakaba bamaze igihe bakundana aho uy’umunya-Argentina kazi amaze kubyarira Cristiano Ronaldo abana bagera kuri batanu n’undi umwe utarabashije kubaho akaza kwitaba Imana ubwo yavukaga , muri uy’umwaka wa 2022.
Georgina Rodriguez akaba atari ubwa mbere ahaye impano umukunzi we Cristiano Ronaldo kuko mu bihe bigiye bitandukanye yakunze kujya amutungura akamuha impano zigiye zitandukanye by’umwihariko kumunsi wa mavuko w’uyu mugabo Cristiano Ronaldo.
Ubwo Cristiano Ronaldo yakoraga ikiganiro n’umunyamakuru akaba yarabajijwe igihe yumva azashakira uy’umukinzi we Georgina Rodriguez umuze ku mubyarira abana batanu doreko hagiye gushira igihe kinini babana nk’abakundana.
Cristiano Ronaldo , akaba yarasubije avugako umunsi umwe bazakora ubukwe bakabana nk’umugore n’umugabo mu rugo gusa abajijwe igihe yumva azabikorera akaba yaririnze ku kivuga ahubwo yemezako ibyo bigomba kubaho kuko ari umumama w’abana be uko ari batandatu.
Cristiano , ubwo yabazwaga kwitandukaniro rya Georgina Rodriguez ndetse n’abandi bakobwa yakundanye nabo , akaba yaravuzeko icya mbere Georgina atandukaniyeho n’abandi bakobwa akunda umuhungu we Cristiano Ronaldo Jr.
Ikindi , Cristiano Ronaldo akaba yavuzeko Georgina Rodriguez atandukaniyeho n’abandi bakobwa aruko nanone akunda mama we umubyara (Mama Cristiano Ronaldo) mugihe abandi bakobwa bakundanye nawe wasangaga badakunda Mama we , kimwe mu bintu byatumaga urukundo rwabo rutaramba.
