Inzu y’imyidagaduro mu Rwanda BK Arena yashyize umucyo kugitaramo cy’umuhanzi Diamond Platnumz cya “One People Concert” cyagombaga kuba kuri uyu wa gatanu tariki 23 Ukuboza 2022 , isobanurako ihagarikwa ryacyo ntaruhare yabigizemo.
Kuri uy’umugoroba wo kuri uyu wa gatanu , akaba aribwo inzu y’imyidagaduro ya BK Arena yasohoye itangazo yisegura kubakunzi b’imyidagaduro mu Rwanda ibamenyeshako igitaramo cyari gitegerejwe cy’umuhanzi Diamond Platnumz kitakibaye ku mpamvu zitabaturutseho.
Muri ir’itangazo , ubuyobozi bwa BK Arena bukaba bwamenyesheje abakunzi b’imyidagaduro mu Rwanda ko ihagarikwa ry’igitaramo cya “One People Concert” umuhanzi Diamond Platnumz yari kugaragaramo , cyahagaritswe na Sosiyete yari ifite inshingano zo kugitegura , East Gold Ltd.
Ubuyobozi bwa BK Arena , bukaba bwiseguye ku bakunzi b’ibitaramo ubundi buvugako nabwo bwababajwe no kuba ik’igitaramo kitakibaye , BK Arena ikaba yijeje abakunzi b’imyidagaduro bari baguze amatike y’ik’igitaramo ko bafite uburenganzira bwo gusubizwa amafaranga yabo bari bishyuye bagura amatike y’igitaramo.
Ubuyobozi bwa BK Arena , bukaba bwijeje abari baguze amatike y’igitaramo ko bugiye gukorana na Sosiyete ya East Gold Ltd yari yateguye ik’igitaramo cya “One People Concert” kugirango gusubiza amafaranga abari baguze amatike y’igitaramo bikorwe vuba babashe kubona amafaranga yabo.
BK Arena , ikaba yijeje abakunzi b’imyidagaduro mu Rwanda koyiteguye gukomeza kuba inzu y’imyidagaduro yakira ibitaramo bigiye bitandukanye bibera muri iy’inyubako harimo n’igitaramo cy’umuhanzi uririmba indirimbo zo kuramya no guhimbaza Imana Israel Mbonyi ndetse n’ibindi bitandukanye biteganyijwe kuba mu mpera no mu ntagiruro z’uy’umwaka wa 2022.