Minisiteri y’uburezi yatangaje amanota y’abanyeshuri bakoze ibizamini bya leta mu mwaka w’amashuri wa 2021-2022 aho mu cyiciro cy’amashuri abanza imitsindishirize yazamutse naho mu cyiciro rusange cy’amashuri yisumbuye imitsindishirize iramanuka ugerengije n’umwaka wa 2020-2021.
Mu cyiciro cy’amashuri abanza , abanyeshuri bakoze ibizamini bakaba bari 227,472 . abatsinze bakaba 206,286 bangana na 90.69% , abatsinzwe bakaba 21,186 bangana 9.31% , ni mugihe abarangije icyiciro rusange cy’amashuri yisumbuye ari 126,735 , abatsinze bakaba 108,566 bangana na 85.66%.
Mu cyiciro rusange cy’amashuri yisumbuye abatsinzwe bakaba ari 18,469 bangana na 14.34% , Minisitiri w’uburezi , Dr Uwamariya Valentine akaba yavuzeko abanyeshuri batsinze ikizamini cya leta mu mashuri abanza bagiye kujya mu bigo by’amashuri bibacumbikira ari 26,922 naho abaziga bataha bakaba 179,364.
Umunyeshuri ufite amanota yo mu cyiciro cya mbere mu mashuri abanza akaba ari umunyeshuri ufite amanota 30 , mugihe umunyeshuri watsinze ari uwagize ikigereranyo cy’amanota 5 bivugako byibuze umunyeshuri yagize inota rimwe mu masomo yose atanu akorwa mu kizamini cya leta.
Ni mugihe mu cyiciro rusange cy’amashuri yisumbuye umunyeshuri wagize amanota menshi byibuze agomba kuba yaragize amanota 54 , mugihe uwatsinze muri iki cyiciro agomba kuba yaragize amanota 9 kuvugako aba yaragize inota rimwe mu masomo yose icyenda akorwa mu kizamini cya leta.
Minisiteri y’uburezi , ikaba yatangajeko abanyeshuri bose babonye ibigo bagomba gutangira ishuri tariki 4 Ukwakira 2022 aho bahahwe icyumweru kimwe cyo kuba bamaze kwitegura bakajya ku mashuri bagatangira amasomo y’umwaka wa 2022-2023 , MINEDUC ikaba yavuzeko ibigo bizabafasha kungirango batazatakara.