Ikipe ya APR FC yongeye gutwara igikombe cya 20 cya shampiyona yikurukiranya ku nshuro ya 3 , nyuma yo gutsinda ikipe ya Police FC ku mukino wa nyuma wa shampiyona iy’itsinze ibitego (2-0) bya tsinzwe n’umukinnyi Mugisha Gilbert.
Ikipe ya APR FC ikaba yegukanye iki gikombe cya shampiyona irusha inota rimwe ikipe ya kiyovu Sport FC aho shampiyona irangiye APR FC ifite amanota (66pts) mu gihe ikipe ya Kiyovu Sport FC yo yarangije shampiyona ifite amanota (65pts) , iri kumwanya wa kabiri.
Abafana n’abakunzu ba APR FC bari bitabiriye umukino wa nyuma wa shampiyona bemejeko iyi shampiyona ariyo shampiyona yakomereye ikipe yabo , ni mugihe iy’ikipe ya APR FC yatwaye iki gikombe cya shampiyona igitwaye ikipe ya Kiyovu Sport FC igiheruka mu myaka 29 ishize.
Abafana b’ikipe ya Kiyovu Sport FC bari bafite ikizere cyuko ikipe yabo yatwara iki gikombe cya shampiyona iheruka kera cyane bavuye kuri sitade bakubita agatoki ku kandi bavugako amakipe amwe n’amwe yakaniye ikipe yabo mu gihe ku ikipe ya APR FC yatandaraje APR FC ikitsindira bitayigoye .
Umutoza wa APR FC Mohammed Adil Erradi aganira n’itangazamakuru nyuma y’umukino w’umunsi wa nyuma wa shampiyona aho yatwaraga igikombe cye cya shampiyona cya 3 nk’umutoza yikurukiranya , Adil yavuzeko ashima Imana yamukuye mu menyo ya rubamba.
Umutoza w’ikipe ya Kiyovu Sport FC wabuze igikombe ku mukino wa nyuma wa shampiyona Haringingo Christian Francis akaba yavuzeko we asanga kudatwara igikombe cya shampiyona kw’ikipe ya Kiyovu Sport FC byatewe nuko hari imikino yabakomereye cyane kuruta APR FC yegukanye igikombe.
Perezida wa Kiyovu Sport FC Mvukiyehe Juvenal mu mwaka we wa kabiri ayoboye iy’ikipe ya Kiyovu Sport FC , yijeje abafana bayo ko shampiyona y’umwaka utaha ikipe yabo ya Kiyovu Sport FC izaza ije guhindura ibyananiranye aribyo gutwara igikombe cya shampiyona iy’ikipe yabuze ku munota wa nyuma.