Miss Rwanda 2017 , Miss Iradukunda Elsa urwego rw’ubugenzacyaha RIB rwatangajeko rwataye muri yombi uyu nyaminga akurikiranweho ibyaha birimo n’icyaha cyo kubangamira iperereza ririgukorwa ku byaha uwitwa prince kid uyobora ikigo cya Rwanda inspiration back up gitegura irushanwa rya Miss Rwanda akurikiranweho bigera kuri bitatu.
Miss Iradukunda Elsa akaba ari umukobwa wavutse mu mwaka 1998 avukira mu mujyi wa Kigali aho yitabiriye irushanwa ry’ubwiza rizwi nka Miss Rwanda mu mwaka 2017 akaza no kuryegukana nyuma yaryo agahagarira u Rwanda mw’irushanwa mpuzamahanga ry’ubwiza rizwi nka Miss World mu mwaka wa 2017.
Nyuma y’iminsi rero hatangajwe itabwa muri yombi ry’umuyobozi w’ikigo cya Rwanda inspiration back up Ishimwe Dieudonne uzwi nka Prince kid , kuri ubu Iradukunda Elsa Miss Rwanda 2017 urwego rw’ubugenzacyaha RIB rwatangajeko rwamutaye muri yombi nawe , akurikiranweho icyaha cyo kubangamira iperereza.
Nyuma yasaga zikomeje kuba muri iri rushanwa ry’ubwiza rizwi nka Miss Rwanda ndetse n’iperereza rikomeje kurikorwaho by’umwihariko ku mukuru w’ikigo gitegura iri rushanwa ry’ubwiza ishimwe Dieudonne uzwi nka Prince kid , iri rushanwa ryabaye rihagatswe mu gihe iperereza rigikomeza , bikozwe na minisiteri y’urubyiruko n’umuco.
mw’itangazo rya minisiteri y’urubyiruko n’umuco yasohoye yagize iti “hashingiwe ku iperereza ririmo gukorwa n’urwego rw’igihugu rushinzwe ubugenzacyaha RIB , ku muyobozi wa Rwanda inspiration back up ukekwaho ibyaha bifitanye isano n’ihihoterwa rushingiye ku gitsina.
Yakoreye abakobwa bitabiriye irushanwa rya Miss Rwanda mu bihe bitandukanye , minisiteri y’urubyiruko n’umuco iramenyesha abanyarwanda ko ibaye ihagaritse iri rushanwa mu gihe iperereza ritararangira”.
Itangazo rya minisiteri y’urubyiruko n’umuco
Umuvugizi wa RIB Dr Thierry Murangira akaba yavuzeko urwego rw’ubugenzacyaha RIB rwataye muri yombi Miss Iradukunda Elsa akurikiranweho ibyaha birimo icyaha cyo gukoresha inyandiko mpimbano ndetse n’icyaha cyo kubangamira iperereza , bikaba ari ibyaha bifitanye isano n’ibyaha ishimwe Dieudonne uzwi nka Prince kid akurikiranweho.
Dr Thierry Murangira akaba yavuzeko Miss Iradukunda Elsa afungiye kuri sitasiyo ya RIB iri I Remera mu gihe urwego rw’ubugenzacyaha RIB rwatangajeko dosiye ya Miss Iradukunda Elsa iri gukorwa kugirango ishyikirizwe ubushinzacyaha mugihe cyagenywe n’itegeko.