Donald Trump wabaye Perezida wa 45 wa leta zunze ubumwe za America yatangajeko atazasubira ku rubuga nkoranyambaga rwa Twitter amaze igihe kirenga umwaka akumiriweho , kubera imyigaragambyo yabaye nyuma yo gutsindwa amatora.
Donald Trump akaba yarabivuze nyuma yuko bitangajweko urubuga nkoranyambaga rwa Twitter rwaguzwe n’umukire wa mbere kw’isi Elone Musk aruguze miliyari (44B) z’amadorari ya America.
Mu kwezi kwa Mutarama umwaka wa 2021 , nibwo bwana Donald trump yakumiriwe ku rubuga rwa Twitter ashinjwa guhembera imvururu za kurikiye amatora ya Perezida muri America akoresheje uru rubuga rwa Twitter , bimuviramo kurukurwaho burundu.
Nyuma yuko Donald trump akumiriwe ku rubuga rwa Twitter akaba yarayise ashinga urubuga nkoranyambaga rwe yise Truthful nubwo ari urubuga rwa tangiranye ibibazo mu minsi yarwo ya mbere.
Uru rubuga rwa Donald trump akaba ari urubuga rugifute umubare ukiri hasi wabarukoresha ariko bwana Donald trump akaba yaravuzeko uko byagenda kose atazigere areka gukoresha uru rubaga rwe yashinze nyuma yo gukumirwa kuri Twitter kandi ko atazigera asubira kuri uru rubuga rwa Twitter.
Donald Trump akaba yaravuzeko yishimiye igurwa ry’urubuga rwa Twitter avugako Elon musk hari impinduka nyinshi azakora kuri Twitter ni mugihe Trump yemezako Eloni Musk amuzi nk’umuntu mwiza.
Urubuga rwa Twitter rwasibye konte ya Donald trump tariki 8 Mutarama 2021 aho icyo gihe bwana Donald trump yari amaze kugira abantu miliyoni (89M) ba mukurikiranaga kuri uru rubuga rwa Twitter.
Source : Router