Ibipimo bya covid-19 byafashwe vice Perezida wa leta zunze ubumwe za America madam Kamala Harris byagaragajeko nta covid-19 ikiri mu mubiri we nyuma y’iminsi itandatu apimwe iki cyorezo bakakimusangamo.
madam Kamala Harris hakaba hari hashize iminsi igera kuri 6 apimwe agasangwamo icyorezo cya covid-19 ubwo yasangwagamo iki cyorezo madam Kamala Harris akaba yarayise yishyira mu kato maze atangazako azavamo mu gihe yapimwe ntiyongere gusangwamo iki cyorezo.
Madam Kamala Harris ubwo yasangwagamo covid-19 bikaba byaratangajweko uyu mugore ntaho yigeze ahurira na Perezida Joe Biden uyoboye America , kuko white house yatangajeko igihe Kamala Harris yasangwagamo covid-19 Perezida Joe Biden yari hanze y’igihugu mu kazi.
Ibipimo bya covid-19 byafashwe vice Perezida wa leta zunze ubumwe za America madam Kamala Harris kuri uyu wa mbere tariki 2 Gicurasi 2022 , byatumye yongera kwemererwa gusubukura imirimo ye munzu ya white house kuri uyu wa kabiri tariki 3 Gicurasi , nyuma y’iminsi 6 ari mu kato.
August Allen ushinzwe itangazamakuru mubiro bya madam Kamala Harris akaba yaratangijeko madam Kamala Harris yari amaze igihe afata imiti ya Pfizer’s paxlovid mu kumufasha gukira vuba icyorezo cya covid-19.
Nubwo ariko madam Kamala Harris yasanzwe nta covid-19 agifite mu mubiri we , akaba azakomeza kwambara agapfukamunwa mu gihe ari ahantu hari abantu benshi nkuko biteganywa n’amabwiriza y’inzego z’ubuzima muri America , madam Harris akaba azakomeza ku kambara kugeza hashize iminsi 10.
Source : Reuters