Police y’igihugu cy’ubuholandi yatangajeko yasanze umugabo muzima mu gice cya mapine y’indege yari imaze kungwa ku kibuga cy’indege cya Shifora mu mugi wa Amsterdam , indege ikaba yari ivuye muri Africa y’epfo.
Ubusanzwe indege zivuye mu mugi wa Johnnesburg muri Africa y’epfo zijya mu mugi wa Amsterdam mu buholandi zikoresha igihe kingana n’amasaha agera kuri (11h) , mu gihe iy’indege yo yari itwaye imizigo yabanje no guhagarara inshuro imwe mu gihugu cya Kenya aho yabanje guca mbere yo kujya muri Amsterdam.
Abantu batangajwe nuyu mugabo kuko ntibisanzweko umuntu yarokoka urugendo rureshya gutyo ari mu mapine y’indege bitewe nuko mu kirere haba harimo umwuka muke kandi harimo n’ubukonje bwinshi cyane.
Uyu mugabo police y’ubuholandi ntiyigeze itangaza ibijyanye n’umwirondorowe kumwe n’ubwenegihugu bwe , umuvugizi w’igipolice cy’ubuholandi akaba yatangajeko uyu mugabo wasanzwe mu mapine y’indege akaba yarayise ajyanwa kwa muganga ariko akaba atari ameze nabi kuko byagaragaraga nezako akiri muzima.
Ikigo cy’itangazamakuru mu buholandi cyatangajeko uyu mugabo yahinze umuriro mwinshi ubwo imodoka itwara indembe yahageraga ngo imutware kwa muganga , iki kigo kikaba cyaratangajeko kandi uyu mugabo yabashaka gusubiza ibibazo byose yabazwaga byibanze.
Umuvugizi wa kompanyi z’indege z’ubwikorezi mu buholandi mu butumwa bwa email yahaye ibiro ntaramakuru bya bongereza Reuters yavuzeko uyu mugabo yari mu mapine y’indege ya kompanyi ya Karigorisiki itariya.
Amakuru yingendo z’indege uyu muvugizi yavuzeko indege za Karigorisiki itariya arizo zonyine zikora ingendo zo ku cyumweru ziva muri Johnnesburg zijya muri Amsterdam zikabanza guhagarara mu mugi wa Nairobi , gusa bika bitaramenyeka neza niba uwo mugabo yaruririye iyo ndege muri Africa y’epfo cyangwa se muri Kenya.
Source : Reuters