Umusore Faiq Bolkiah w’imyaka 23 gusa, niwe mukinnyi wa ruhago ukize kurusha abandi ku isi, aho atunze miriyari $17 z’amadorari ya Amerika, ndetse yahoze akina mu makipe y’abana ya Chelsea na Liechester City yo mu bwongereza.
Faiq ni umwe mu bagize umuryango w’ubwami bwa Brunei dore ko ari umwishwa w’umwami wa Brunei, yavukiye mu mujyi wa Los Angeles muri Leta zunze Ubumwe za Amerika, ndetse amashuri ye ayarangiriza mu bwongereza.
Uretse ku kuba atunze amafaranga menshi cyane, uyu musore ukize gusumbya nyiri Chelsea, nawe afite inzozi nk’izabandi bose, inzozi ze ni ukuba umukinnyi w’umupira w’amaguru wabigize umwuga.
Faiq yatangiriye mu ikipe ya AFC Newbury, nyuma yinjira mu ikipe ya Southampton y’abakiri bato. Mu mwaka wa 2013, Faiq yinjiye mu ikipe ya Arsenal y’abakiri bato, nyuma y’umwaka umwe gusa yinjira mw’ikipe ya Chelsea y’abatarengeje imyaka 21, kuva mu 2016-2020 yakiniye Leichester City, kuva 2020-2021 akinira Maritimo. ndetse kuva mu 2016 kugera ubu akinira ikipe y’igihugu ya Brunei.
Ruben Sammut wakinanye na Faiq muri Chelsea yabwiye ikinyamakuru The Athletic ko uretse ku kuba akize cyane, Faiq yicishaga bugufi cyane, yagize ati “Ntiwari kubasha kumukekera ko ari uwa 12 mu bazaragwa ingoma y’ubwami.. ntiwari gukeka ko ari uw’ibwami”
