Igihugu cy’ubushinwa cyanze icyifuzo cy’ishami rya UN rishinzwe ubuzima, OMS cyo gusubira muri Raboratwari ya Wuhan gukomeza gushakisha inkomoko y’icyorezo cya Covid-19.
Mu cy’umweru gishize umuyobozi wa OMS Dr Tedros Adhanom Ghebreyesus yongeye gusaba ko hakongerwa gukorwa igenzura muri Raboratwari zo muduce tw’u Bushinwa, ahagaragaye abarwayi ba mbere b’icyorezo cya Covid-19 yagaragaye bwambere kw’isi mu mpera z’u mwaka wa 2019 mu gihugu cyu Bushinwa.
ibinyamakuru nka New York Times, the Guardian n’ibindi bitandukanye dukesha iyi nkuru, byanditse ko uwungirije Minisitiri w’ubuzima mu gihugu cy’Ubushinwa yavuze ko icyo cyifuzo cya OMS cyuzuye agasuzuguro no kutubaha inzobere za OMS kubyo zagaragaje ubwo zajyaga gushaka imvano y’iki cyorezo Covid-19, ubwo zagaragazaga ko icyorezo cya Covid-19 kitaturutse muri Raboratwari ya Wuhan ahubwo bakemeza ko igishoboka ari ukuva mu nyamanswa ijya mu muntu.
Ibinyamakuru bivuga ko uyu mwanzuro utanyuze leta zunze ubumwe za America nyuma y’umwaka umwe n’igice iki cyorezo kigeze mw’isi nanubu ntawuramenya inkomoko yacyo cyangwa aho cyaturutse ahubwo buri gihugu kibisunikira ku kindi bigatuma haza urwicyekwe hagati yibi bihugu Ubushinwa na America, America ikaba ishinja Ubushinwa ko aribo bashyize isi mu byago ubungubu irimo.
Ubushinwa, tariki ya 31 Ukuboza 2019 nibwo bwatangarije OMS rishinzwe ubuzima ko mu gihugu cyabo ko hari indwara yahadutse ifata mubuhumekero ariko itazwi yabonetse kubutaka bwabo, ubushinwa ntibwigeze na rimwe bwemera ko ariho ikomoka ahubwo yazanwe n’abanyamahanga. Bushinja Raboratwari ya Fort Detrick Lab yo muri Amerika, ihereye muri Washington dc, ikorerwamo ubushakashatsi mu kurwanya iterabwoba hakoreshejwe ibinyabuzima byakorewe muri Raboratwari(amarobo) ko ariho Covid-19 ikomoka.
Ikinyamakuru cyo mu bushinwa Global times cyanditse ko hari abantu barenga miriyoni eshanu bakoresha murandasi (internet) basinye basabako hakorwa ubushakashatsi kuri Fort Detrick Lab yo muri America mu gushaka inkomoko y’icyorezo cya Covid-19 ibintu bikomeje kuba urujijo rwo kumenya inkomoko y’cyorezo cya Covid-19 ubushinwa na America bakomeje kwitana ba mwana mu kibazo cya Covid-19.