Abarwanyi ba Ukraine bagera kuri 264 bari bamaze igihe bari mu ruganda rwa Azovstal ruri mu mujyi wa Mariupol wafashwe n’ingabo z’burusiya bakuwe muri uru ruganda bajyanwa mu mijyi yafashwe n’ingabo zishyigikiwe n’uburusiya.
igihugu cya Ukraine nacyo cyemejeko abarwanyi bacyo bari mu ruganda rwa Azovstal bari bamazemo amezi agera kuri 2 bihishemo bakuwemo , Hanna Maliar minisitiri w’ingabo wungirije wa Ukraine akaba nawe yemejeko abarwanyi ba Ukraine bari mu ruganda rwa Azovstal bakuwemo.
Hanna Maliar akaba yaravuzeko abarwanyi bagera kuri 53 bakomeretse bikomeye bajyanywe mu mujyi wa Novoazovsk ujyenzurwa n’ingabo zishyigikiwe n’uburusiya , abandi 211 nabo bajyanwa mu mujyi wa Olenivska naho ujyenzurwa nizo ngabo zishyigikiwe n’uburusiya.
mbere yuko aba barwanyi bakurwa muri uru ruganda rwa Azovstal , uburusiya bwari bwatangajeko habanje kubaho ubwumvikane n’igihugu cya Ukraine , mbere yuko hafatwa umwanzuro wo gukura aba barwanyi bakomeretse muri uru ruganda rwa Azovstal ruri mu mujyi wa Mariupol wigaruriwe n’uburusiya.
kuri uyu wa mbere tariki 16 Gicurasi 2022 mu masaha y’ijoro nibwo mu mujyi wa Mariupol hagaraye imodoka za bus zirenga 10 zisohora aba barwanyi ba Ukraine bari baraheze muri uru ruganda rwa Azovstal zibajyana kwitabwaho mu mijyi igenzurwa n’ingabo zishyigikiwe n’uburusiya.
Umujyi wa mariupol ukaba warabaye umujyi wisibaniro kuva iy’intambara y’uburusiya na Ukraine yatangira mu kwezi kwa kabiri kuyu mwaka aho kuri ubu uy’umujyi wa mariupol wamaze gufatwa n’ingabo z’burusiya arizo zihugenzura burundu , uretse uruganda rwa Azovstal rukirimo abarwanyi ba Ukraine bakirwihishemo.
Source : Reuters