Ikipe ya Rayon Sports yegukanye igikombe cya “Super Cup” itsinze mucyeba wayo w’ibihe byose APR FC , iy’itsinze ibitego (3-0) ndetse biba ku nshuro ya kabiri yikurikiranya iy’itsinda ikayitwa igikombe doreko Rayon Sports yaherukaga no kwegukana igikombe cy’amahoro itsinze ikipe ya APR FC.
Kuri uyu wa gatandatu , tariki 12 Kanama 2023 , kuri Kigali Pele Stadium akaba aribwo hari hateganyije kubera uy’umukinnyi wishiraniro hano mu Rwanda aho ari umukino uba wahuruje imbaga nyamwinshi ariko by’umwihariko abakunzi b’umupira w’amaguru ndetse n’abanyarwanda muri rusange.
Umukino kw’isaha(15:00′) hano mu Rwanda akaba aribwo wari utangiye ndetse ikipe ya Rayon Sports itangirana amahirwe aho ku munota wa gatandatu w’umukino (6′) ikipe ya Rayon Sports yafunguye amazamu ku gitego cyatsinzwe n’umukinnyi wayo uva mu gihugu cya Uganda , Charles Mbaale.
APR FC , nyuma yo gutsindwa igitego ku munota wa gatandatu w’umukino ikaba yagerageje kurebako yagaruka mu mukino ariko igenda ibura amahirwe aho uburyo abakinnyi bayo babonye babupfishije ubusa , bikarangira igice cya mbere Rayon Sports itsinze igitego (1-0).
Mu gice cya kabiri cy’umukino , ikipe ya Rayon Sports ikaba yaje kubyitwaramo neza aho abakinnyi bayo babyitwayemo neza ubundi bakaza kuyibonera ibindi bitego bibiri byabonetse kuri penaliti ubundi bifasha ikipe ya Rayon Sports gusoza uy’umukino w’igikombe cya “Super Cup”, itsinze ibitego (3-0).
