Ikipe ya Manchester United yo mu gihugu cy’ubwongereza yerekanye imyambaro mishya yakozwe n’uruganda rwa Adidas , izajya yambaye mugihe yakiniye ku kibuga cy’ayo Old Trafford mu mwaka w’imikino wa 2023/24 , biteganyijweko uzatangira mu kwezi kwa munani.
Manchester United , ikaba yerekanye iy’imyambaro mishya mugihe iri kwitegura gutangira gukina imikino izayifasha kwitegura imikino ya shampiyona y’ubwongereza , Primier League , biteganyijweko izatangira mu kwezi kwa munani.
Manchester United , ikaba irimo kwitegura umwaka w’imikino wa 2023/24 , nyuma y’uko yarangije shampiyona ya Primier League mu mwaka w’imikino 2022/23 iri kumwanya wa gatatu ndetse yegukanye n’igikombe cya Carabao Cup nyuma y’imyaka irindwi itazi gutwara igikombe uko bisa.
Manchester United , mu kwerekana iy’imyambaro mishya izakoresha mu mwaka w’imikino wa 2023/24 , ikaba yifashishije abakinnyi bayo barimo umukinnyi Marcus Rashford , Casemiro , Lisandro Martinez , Sancho ndetse n’abandi bakinnyi bagize amakipe y’iyi kipe ya Manchester United.
Manchester United mugihe ikomeje kwitegura umwaka w’imikino wa 2023/24 , ikaba inakomeje urugamba rwo kwibikaho abakinnyi bashya aho kuri ubu hakomeje kuvugwako ikomeje gushaka umukinnyi w’ikipe ya Chelsea Mason Mount , ishobora gutangaho amafaranga agera kuri miliyoni 55 z’amapawundi.