Cristiano Ronaldo ukomeje kwifuza gusohoka mw’ikipe ya Manchester united , yongeye kugaragaza imyitwarire mibi , nyuma yuko ikipe ya Manchester united yariri gukina umukino wa ginshuti n’ikipe ya Rayo Vallecano , umukino warangiye amakipe yombi aganyije igitego (1-1).
Cristiano Ronaldo wari watangajeko azakina umukino wa ginshuti ikipe ya Manchester united izakinamo n’ikipe ya Rayo Vallecano , umukino wari kubera ku kibuga cya Manchester united Old Trafford , uy’umukinnyi yaje kugaragara muri uy’umukino gusa akina iminota 45 (igice cya mbere).
Cristiano nyuma yo gukinishwa iminota 45 y’igice cya mbere gusa akaza kuvamo agasimburwa n’umukinnyi ukiri muto Amad Diallo waje no guhita atsinda igitego cya Manchester united muri uy’umukino , Cristiano nyuma yo gusimbuzwa yaje kugaragara ava ku kibuga cya Old Trafford umukino utararangira.
Mbere yuko umukino wa Manchester united na Rayo Vallecano urangira , umukinnyi Cristiano we akaba yagaye ava ku kibuga cya Old Trafford umukino utararangira ndetse byongera guteza urujijo ku kazoza k’uyu mukinnyi muri Manchester united yo ivugako atagurishwa mugihe Cristiano we akomeje kuyisaba ko yamureka akigendera.
Umutoza wa Manchester united Eric Ten Hag avuga ku gusimbuza Cristiano Ronaldo nyuma yo gukina iminota 45 y’igice cya mbere gusa , Ten Hag yavuzeko Cristiano atarari ku rwego rumwe n’abandi bakinnyi bitewe n’igihe yari amaze atitozanya n’ikipe yose ya Manchester united.
ikibazo cy’umukinnyi Cristiano Ronaldo muri Manchester united akaba ari ikibazo kigiye kumara hafi amezi 3 aho Cristiano asaba gusohoka mw’ikipe ya Manchester united , Manchester united yo ikavugako ari umukinnyi ufite amasezerano kandi agomba kubahiriza kuko ari umukinnyi utagurishwa.
