Mu ijoro ryakeye , nibwo umukinnyi ukiri muto , Alejandro Garnacho w’ikipe ya Manchester United yatsinze igitego cyizwi nka ” bicycle kick goal” ubundi bamwe batangira ku kigereranya n’igitego Cristiano Ronaldo yatsinze.
Kuri iki cyumweru nibwo shampiyona y’ubwongereza , Primier League , yari yongeye gukinwa nyuma y’imikino y’ikipe z’ibihugu ndetse nyuma y’aka karuhuko amakipe yo muri iyi shampiyona akaba yarongeye kwitwara neza atsinda imikino y’ayo ya shampiyona.
Mu mukino wasozaga umunsi wa 13 w’iyi shampiyona ya Primier League , ikipe ya Everton ikaba yari yakiriye ku kibuga cy’ayo ikipe ya Manchester United ubundi Manchester United ibasha kwitwara neza itsindirayo ibitego (3-0).
Mu bitego (3-0) Manchester United yabashije gutsinda ikipe ya Everton , bikaba byaje gutsindwa n’abakinnyi barimo Garnacho , Rashford na Martial gusa by’umwihariko abantu bakaba baje kugaruka kugitego cy’umukinnyi muto Garnacho.
Igitego cya Garnacho akaba ari igitego yaje gutsinda ku munota wa gatatu w’umukino agitsinze mu buryo bwa ngarama mu indimi z’amahanga bita “bicycle kick goal” , igitego cyagize uruhare runini mu gufasha ikipe ya Manchester United kwitwara neza muri uyu mukino.
Nyuma yo gutsinda iki gitego uyu mukinnyi Garnacho akaba yavuzeko atizeregako ari igitego kiribuge mwizamu ndetse avugako kuva yatangira gukina umupira w’amaguru aricyo gitego cyiza atsinze mu buzima bwe bw’umupira w’amaguru.
Abafana , abanyamakuru ndetse n’abandi batandukanye bakurikira shampiyona y’ubwongereza Primier League bakaba bavuzeko aricyo gitego gishobora kuba igitego cyiza cya shampiyona ya Primier League 2023/24 ndetse kikanaba igitego kiza cy’umwaka.
Iki gitego cy’uyu mukinnyi ukirimo Garnacho kandi bakaba bakigereranyije n’igitego cya Cristiano Ronaldo yigeze gutsinda ikipe ya Juventus ubwo yakiniraga ikipe ya Real Madrid mu mukino w’irushanwa rya UEFA Champions League.