Ikipe ya Rayon Sports yegukanye igikombe cy’amahoro itsinze mucyeba wayo APR FC , igitego (1-0) cyabonetse mu gice cya mbere cy’umukino gitsinzwe n’umukinnyi Ngendahimana Eric wagitsinze ku munota wa 40′ w’igice cya mbere cy’umukino.
Ikipe ya Rayon Sports ikaba yegukanye igikombe cy’amahoro , nyuma y’uko muri shampiyona yari yagerageje kwitwara neza ariko bikarangira mucyeba wayo APR FC n’ubundi ariyo yegukanye ik’igikombe cya shampiyona n’amanota 63.
Umukino wa nyuma w’iki gikombe cy’amahoro , akaba ari umukino wari wabereye mu ntara y’amajyepfo y’igihugu kuri Sitade mpuzamahanga ya Huye stadium aho uy’umukino wagiye gutangira abafana baramaze kugura amatike yose y’umubare wemerewe kwinjira muri Sitade.
Uy’umukino akaba ari umukino wagaragayemo ishyaka ku mpande z’amakipe yombi doreko n’ubundi ari amakipe asanzwe ahura gake bishoboka , ikipe ya Rayon Sports ikaba yari iherutse no gutsinda ikipe ya APR FC mu mukino wa shampiyona.
APR FC , akaba ariyo kipe yagiye gukina uy’umukino wa nyuma w’igikombe cy’amahoro ihabwa amahirwe yo kucyegukana doreko nta gihe cyari giciyemo yegukanye igikombe cya shampiyona y’u Rwanda ya 2022/23 igitwaye ikipe ya Kiyovu SC.
Rayon Sports yo ikaba yaje gukina uy’umukino wa nyuma w’igikombe cy’amahoro havugwa ibintu byinshi birimo no kuba abakinnyi b’iyi kipe barivumbuye bakanga kujyana n’ikipe I Huye kubera ibirarane , ubuyobozi bw’ikipe ya Rayon Sports bwari bubafitiye.
Gusa amakuru akavugako ab’abakinnyi baje kwisubiraho bagasanga bagenzi babo I Huye , kubera ib’ibibazo byose rero akaba ariho baheraga , ikipe ya Rayon Sports bayiha amahirwe macye yo kwegukana ik’igikombe cy’amahoro.
Gusa ikipe ya Rayon Sports muri uy’umukino ikaba yerekanye itandukaniro nibyari bimaze iminsi bivugwamo ubundi ku gitego (1-0) cyatsinzwe n’umukinnyi wayo Ngendahimana Eric ibasha kwegukana ik’igikombe cy’amahoro aho byayise binayihesha itike yo kuzahagararira igihugu mu mikino ya CAF Confederation Cup 2023/24.
